Фаластиндаги ҲАМАС ҳаракатининг Минск аэропортига фавқулодда қўнган Ryanair самолёти бортида бомба борлиги ҳақидаги хабарга ҳеч қандай алоқаси йўқ. Бу ҳақда ҲАМАС вакили Фаузи Бархум Reuters агентлигига маълум қилди.
«Биз бундай усуллардан фойдаланмаймиз», — деган Бархум.
Унинг фикрига кўра, ҲАМАС номидан самолётни миналаштириш ҳақидаги хабар ҳаракатни «ёмонотлиқ қилишга интилаётганлар», шунингдек «Фаластин халқи ва уларнинг қонуний курашига ҳамдардликни сусайтираётганлар» томонидан юборилган.
23 май куни Афинадан Вильнюсга йўл олган Ryanair авиакомпанияси самолёти Минск аэропортига шошилинч қўнган эди. Беларусь Транспорт ва коммуникациялар вазирлигининг авиация департаменти директори Артём Сикорский Минск аэропорти электрон почтасига ҲАМАС номидан самолёт миналаштирилгани ҳақида хабар келганини айтган ва уни ўқиб эшиттирган. Сикорскийнинг айтишича, Беларусь диспетчерлари Ryanair самолёти экипажига ушбу хавф ҳақида хабар берган, шундан кейин экипаж Минск халқаро аэропортига қўниш ҳақида қарор қабул қилган.
Ryanair самолёти йўловчилари орасида Nexta мухолифатчи Telegram канали собиқ бош муҳаррири Роман Протасевич бор эди, Беларусда унга қарши бир қатор жиноят ишлари қўзғатилган. Протасевич ва унинг севгилиси — Россия фуқароси Софя Сапега аэропортда қўлга олинган.
Ryanair самолётининг фавқулодда қўндирилишидан сўнг, Европа мамлакатлари Беларусдан парвозларни қабул қилишни рад эта бошлади, Европа авиакомпаниялари эса Беларусь ҳаво ҳудудини кесиб ўтишдан бош тортмоқда.
Мавзуга доир:
- Байден Ryanair самолётининг Минскка қўндирилиши юзасидан жавоб чораларини ишлаб чиқишни буюрди
- Литва Беларусь ҳаво ҳудудидан ўтадиган рейсларни қабул қилмайди ва жўнатмайди. Мамлакат ўз фуқароларидан Беларусни тарк этишни сўради
- Саккизта мамлакат Беларусь осмонидан учиб ўтишни тақиқлашни талаб қилди
Изоҳ (0)