Ҳиндистон ҳукумати барча ижтимоий тармоқларга коронавируснинг «ҳиндча» штамми билан боғлиқ ёки унинг мавжудлигини назарда тутувчи барча контентларни ўчириб ташлаш илтимоси билан мурожаат қилди, деб ёзмоқда «РИА Новости».
Маълумотларга кўра, Ҳиндистон Электроника ва ахборот технологиялари вазирлигига йўлланган мактубда Жаҳон соғлиқни сақлаш ташкилоти (ЖССТ) коронавируснинг ҳеч бир вариантини расман номламагани таъкидланган.
Аввалроқ олимлар Ҳиндистоннинг Ғарбий Бенгалия штатида коронавируснинг янги B.1.618 штаммини аниқлади. Ҳиндистонлик эпидемиология профессори Мадҳукар Пайнинг сўзларига кўра, коронавируснинг ушбу янги штамми уч карра мутацияга учраган вариант бўлиб, у тезроқ тарқалиш хусусиятига эга. Янги B.1.618 штамми Ҳиндистонда аниқланган коронавируснинг иккинчи чизиғи бўлиб, биринчи B.1.617 штамми коронавируснинг икки карра мутацияга учраган варианти сифатида рўйхатга олинган.
Ҳиндистон ҳозиргача коронавирус билан касалланиш сони бўйича дунёда иккинчи ўринни банд қилиб турибди.
Ҳиндистонда COVID-пандемия фонида одамларнинг хавфли замбуруғларга чалиниш ҳолатлари кўпайди. Ҳиндистонда коронавирус тарқалишининг иккиламчи таъсири сифатида пайдо бўлган қора замбуруғ эпидемияси фонида яна бир замбуруғ касаллиги аниқланди, у мамлакатда оқ замбуруғ деб аталади.
Изоҳ (0)