Хитой жануби-ғарбидаги Юньнань провинциясида 21 май куни 5,6 баллдан 6,4 баллгача бўлган ер силкинишлари содир бўлди. Табиий офат оқибатида камида уч киши ҳалок бўлган. Бу ҳақда Sina нашри хабар берган.
Хабарларда қайд этилишича, бир ярим соат фарқ билан содир бўлган зилзилаларда 20 га яқин ер силкинишлари кузатилган.
Зилзила ўчоғи 8—10 километр чуқурликда 8,4 миллион аҳоли истиқомат қиладиган Куньмин провинциясининг маъмурий маркази, Дали шаҳридан (700 мингдан зиёд аҳоли яшайди) 35 километр узоқликда жойлашган.
Табиий офат оқибатида ҳудуддаги 72,3 минг аҳолининг моддий бойликларига шикаст етган. Хавф эҳтимоли юқори бўлган ҳудудлардан 21 мингга яқин хитойлик эвакуация қилинган. Вайроналар остидан 20 дан зиёд киши қутқариб олинган.
Тахминан 13 мингта бино, уй ва бошқа иншоотларга зарар етган. Мутахассислар йўллар, кўприклар ва бошқа инфратузилма объектларига етказилган зарарни ўрганмоқда.
Эслатиб ўтамиз, март ойи охирида Хитойда 5,4 амплитудали зилзила содир бўлган. Кучли ер силкиниши оқибатида 3 киши ҳалок бўлгани, 65 та аҳоли уйи вайронага айланганди.
Изоҳ (0)