Bugun,

  • USD 11095.31
  • RUB 173.84
  • EUR 10772.44

Yaponiya kompaniyalarining 56 foizi 2021-yil Tokioda bo‘lib o‘tadigan Olimpiada o‘yinlariga qarshi chiqdi, deb xabar bermoqda Reuters 15-fevral, dushanba kuni Tokyo Shoko Research tadqiqot kompaniyasi ma’lumotlariga asoslanib.

Foto: Reuters

Foto: Reuters

Qayd etilishicha, 1—8-fevral kunlari o‘tkazilgan so‘rov natijalariga ko‘ra, Yaponiya kompaniyalarining 56 foizi koronavirus tarqalish xavfi tufayli 2021-yil Tokioda bo‘lib o‘tadigan Olimpiya va Paralimpiya o‘yinlarining keyinga qoldirilishini yoki bekor qilinishini xohlaydi.

Ta’kidlanishicha, 2020-yil avgust oyidagi so‘rov natijalariga nisbatan norozilar soni 3 foizga ko‘paygan.

So‘rovda qatnashgan kompaniyalarning atigi 7,7 foizi Olimpiadaning to‘liq o‘tkazilishini yoqlagan. 2020-yili ushbu pozitsiyadagi kompaniyalar 22,5 foizni tashkil etgan.

Ishtirokchilarning 20 foizi ​​Olimpiadada tomoshabinlar sonini cheklash tarafdori, umuman tomoshabinlarsiz o‘tkazilishini yoqlaganlar 17 foizni tashkil qilgan. Yaponiya kompaniyalarining 70 foizidan ko‘prog‘i Olimpiadani bekor qilish yoki kechiktirish ularning daromadlariga ta’sir qilishi ehtimoldan yiroq emasligini ta’kidladi. Bundan tashqari, Xalqaro Olimpiada prezidenti o‘yinlar tomoshabinlarsiz o‘tkazilishini xohlamayapti.

Ma’lumot uchun, Tokio—2020 musobaqasi 24-iyuldan 9-avgustgacha o‘tkazilishi kerak edi, ammo koronavirus pandemiyasi tufayli musobaqalar bir yilga qoldirildi. Shunday qilib Olimpiada o‘yinlarini 2021-yil 23-iyuldan 8-avgustgacha bo‘lgan oraliqda o‘tkazish rejalashtirilgan. Paralimpiya o‘yinlari esa 24-avgustdan 5-sentabrgacha bo‘lib o‘tadi.

Yaponiya poytaxtidagi bo‘lib o‘tishi kerak bo‘lgan Olimpiya o‘yinlari tarixda birinchi marta tinchlik davrida qoldirilgan Olimpiyada hisoblanadi.

Izoh
Asosiy yangiliklar
Iqtisodiyot
O‘zbekistonda 2022-yilda o‘rtacha oylik ish haqi qancha bo‘lgani ma’lum qilindi
Mahalliy
O‘zbekistonda so‘nggi olti yilda 122 ta yangi universitet va institut ochilgan. 2016-yilgacha ularning soni 77 ta edi
Dunyo
Pokistondagi masjidda xudkush terrorchi o‘zini portlatib yubordi, 25 kishi halok bo‘ldi (video)