Rasman: Koronavirus sabab Tokio—2020 Olimpiadasi 1 yilga kechiktirildi

2020-yil Tokio mezbonligida o‘tishi rejalashtirilgan navbatdagi yozgi Olimpiada o‘yinlari koronavirus sabab kechiktirildi.

Yaponiya bosh vaziri Sindzo Abe Xalqaro olimpiya qo‘mitasi raisi Tomas Bax bilan 2020-yilgi Tokio Olimpiadasini 1 yilga kechiktirish bo‘yicha kelishuvga erishganini e’lon qildi.

Avvalroq Yaponiya hukumat rahbarining XOQ rahbariga Olimpiadani 1 yilga kechiktirish taklifi bilan chiqishi ma’lum bo‘lgan, bu taklifga esa bir nechta mamlakatning Milliy olimpiya qo‘mitalari ham rozilik bildirgandi.

Tokiodagi Olimpiada o‘yinlari 24-iyuldan 9-avgustga qadar o‘tishi belgilangandi.

Jahon sog‘liqni saqlash tashkilotining so‘nggi ma’lumotlariga ko‘ra, koronavirus sabab dunyo bo‘ylab 330 mingdan ortiq kishi zararlangan, 14,5 ming kishi vafot etgan.

Mavzuga doir:

• Kanada Tokio—2020 Olimpiadasiga sportchilarini yuborishdan bosh tortdi
• Olimpiada mash’alasi yoqildi. Tadbir muxlislarsiz o‘tkazildi
• Koronavirus sabab O‘zbekistonda xalqaro tadbirlar va sport musobaqalari vaqtincha to‘xtatildi