88 ёшли ҳаваскор рассом Роберт Симан коронавирус пандемияси вақтидаги карантин туфайли 365 та сурат чизишга муваффақ бўлди. Бу ҳақда Esquire хабар беради.
Болалигидан сурат чизишга қизиқадиган Симан узоқ вақт давомида мол-мулк соҳасида фаолият юритган. 60 ёшида карьерасини якунлаган ва сурат чизишни бошлаган. Хоббини профессионал фаолиятга айланиши учун карантин даври у учун айни муддао бўлган.
«Болалигимдан мени интровертманми ёки экстараверт деган савол қийнаган. Агар интровертбўлганимда хонамдан чиқмай соатлаб сурат чизган бўлардим. Ҳозирги вақтда айнан шу билан машғулман», — деган рассом.
2021 йил 11 майда Роберт ҳар куни сурат чизишга киришганига 1 йил бўлган. Нью-Гемпширштатининг Мэйплвудда жойлашган қариялар уйида яшаб, ижод қиладиган рассом кун давомидаги 6 соатини сурат чизишга сарфлайди.
Роберт пандемия бошланишидан икки ҳафта аввал қариялар уйига кўчиб ўтган. Бир неча ойлар давомида қариялар уйида яшовчиларга хонадан чиқиш тақиқлангани сабаб Симансурат чизиб вақт ўтказишга қарор қилган.
«Мен 11 ёшимдаги машғулот билан шуғуллана бошладим ва бу жуда ҳам ажойиб», — деган. У бир-биридан ғаройиб суратларни чизиш учун рангли қаламлар, туш ва акварелдан фойдаланади. Пандемия вақтидаги одамларнинг ички ҳолатини акс эттирадиган сурат чизишни бошлаган рассом. Кейинчалик кунига биттадан сурат чизишга қарор қилганини таъкидлайди.
У ижод маҳсулини суратга олиб қизи ва бошқа яқинларига юборишни бошлаган, Facebook’дабўлишган кейинроқ эса Etsy сайти орқали сота бошлаган. Тушган маблағнинг ярим қисмини хайрия қилади, хусусан, коронавирусдан азият чеккан, уйсизлар ҳамда қочоқларга ёрдам берадиган ташкилотлар учун сарфлайди.
Сурат чизиш учун ғоя унга телевизор кўриш давомида, девордаги суратни томоша қилганда ёки шунчаки ётганида келишини маълум қилган. Сурат чизишда давом этишни режалаштираётган рассомнинг фаолияти билан танишаётган, суратларини харид қилаётган одамлар сони тобора ортиб бормоқда.
Изоҳ (0)