Японияда 93 ёшли эркак геймер сифатида танилди. Ёшлигида ҳайдовчи бўлиб ишлаган кекса набираси сабаб виртуал пойгаларга қизиқиб қолган, деб хабар беради Esquire.
Набира коронавирус пандемияси вақтида қарияни ўйин ўйнашга ўргатган. Унинг сўзларига кўра, бобоси ҳеч қачон технологияларга қизиқиш билдирмаган, бироқ доим машина бошқаришни яхши кўрган. Шу сабабли набирасининг ўйин рули ва Forza 7 пойга ўйинини кўриб қолгач, уни синаб кўришни сўраган.
Кекса геймернинг ўйнаётгани тасвирланган кадрлар YouTube’даги Olivin Corp каналида эълон қилинган. Видеонинг биринчиси тўрт ой олдин жойлаштирилган бўлиб, ҳозирга қадар 3 миллион мартадан ортиқ томоша қилинган.
1960 йилларда эркак Токиода таксичи бўлиб ишлаган, 1970 йиллардан бошлаб юк машина ҳайдашни бошлаган. Ҳайдовчилик гувоҳномасини бундан етти йил олдин, ёши ўтиб қолгани сабаб топшириб юборган.
Компьютер ўйинлари сабаб эркак яна ўзининг севимли автомобили «рулига ўтирган». У ўзининг биринчи авлод Mazda RХ-7 моделини яхши хотиралари билан эслайди. Ўйинлар ҳам у айнан ўзининг машинаси рангини танлаб келади. Кекса геймер худди профессионаллар каби механик узатмалар қутиси ва мураккаб даражадаги йўлларда ҳаракатланиш босқичларини танлайди.
Эслатиб ўтамиз, 2020 йилда 90 ёшли япониялик аёл дунёдаги энг кекса геймер сифатида Гиннес рекордлар китобига киритилганди.
Мавзуга доир: Украинада 90 ёшли аёл самолёт бошқарди (видео)
Изоҳ (0)