Самолёт зинапоясидан йиқилган Байден, офицер билан видолашув, вакцинага бағишланган тадбир. Байден президентлигининг дастлабки 100 куни — суратларда
Жо Байденнинг АҚШ президенти лавозимидаги биринчи 100 куни 29 апрелда ниҳоясига етди. У ўз фаолиятини Дональд Трампнинг бир қатор қонунларини бекор қилиш билан бошлади, шунингдек, мамлакатда коронавирусга қарши эмлаш даражасини оширишга, экологик ва иқлим муаммоларини ҳал қилишга ҳамда Афғонистондан қўшинларни олиб чиқишга ваъда берди. «РБК» нашри Байден ўтган 100 кун мобайнида нималар билан банд бўлгани ҳақида фоторепортаж тайёрлади.
20 январь, биринчи кун. Байденнинг инаугурацияси. У билан бирга рафиқаси Жил ҳамда болалари Эшли ва Хантер (чапдан ўнгга). Инаугурацияда Байден 1893 йилги оилавий Инжил билан қасамёд қилди. У Барак Обама даврида вице-президент лавозимига киришиш пайтида ҳам худди шу китоб билан қасамёд қилган.Фото: AP Photo
26 январь, еттинчи кун. Байден Оқ уйда вице-президент Камала Харрис ёрдамида ирқий тенгликка оид кун тартибини илгари суриш бўйича ижро буйруқларини имзоламоқда. Байденнинг ижро этувчи ҳужжатлари орасида уй-жой сиёсатини такомиллаштириш ва хусусий қамоқхоналардан фойдаланиш амалиётига барҳам бериш тўғрисидаги буйруқлар ҳам бор.Фото: Getty Images
бостириб киргандан кейин вафот этди. Апрель ойида тиббий кўрик натижалари маълум қилинди: эркак инсультни бошдан кечирган ва табиий сабабларга кўра вафот этган. Аммо шифокорлар Сикникнинг аҳволида ўлим олдидаги ҳолатлар (бинога бостириб кирганлар билан тўқнашув) рол ўйнаганини таъкидлади." data-action="zoom" class="border lazyload" />
7 февраль, 19-кун. АҚШ президенти Делавер штатидаги ўзи туғилган Уилмингтон шаҳрида Авлиё Жозеф католик черковидаги оммавий маросимда қатнашгандан кейин қабристонни кезмоқда. Байден ушбу черковга мунтазам ташриф буюради, у ердаги қабристонга Байденнинг биринчи хотини Нелия, қизи Наоми ва ўғли Бо дафн этилган. Нелия ва бир ёшли Наоми 1972 йилда автоҳалокатда ҳалок бўлган, Бо эса 2015 йилда мия шиши туфайли вафот этган.Фото: AP Photo
9 февраль, 21-кун. Байден итлари Чемп ва Мейжор билан Оқ уйдаги майсазорда сайр қилмоқда.Фото: «ТАСС»
25 февраль, 37-кун. Чапдан ўнгга: Байден, вице-президент Камала Харрис, Коронавирусга қарши кураш гуруҳи координатори Жеффри Зенс ҳамда Аллергия ва юқумли касалликлар миллий институти директори Энтони Фаучи ҳамширанинг беморга COVID-19 вакцинасини юборишини кузатмоқда. 25 февраль куни Вашингтондаги маъмурий офисда АҚШда 50 миллионинчи коронавирус вакцинаси юборилишига бағишланган тадбир бўлиб ўтди.Фото: Getty Images
2020 йил декабрь ойи бошида сайловларда ғолиб чиққан Байден президентлигининг дастлабки 100 кунида америкаликларнинг COVID-19’га қарши 100 миллион доза вакцина қабул қилишини ваъда қилди. Президентлигининг 37 куни мобайнида 50 млн киши COVID-19’га қарши эмланганидан кейин у ваъда қилинган дозани 200 миллионга чиқарди. Ушбу мақсадга 21 апрелда, Байден президентлигининг 92-кунида эришилди.
19 март, 59-кун. Байден Эндрюс авиабазасидан Жоржия штатидаги Атланта томон йўл олмоқда. Самолёт зинапоясидан кўтарилиш давомида, у бир неча марта қоқилиб кетди. Оқ уй воқеани шамолли об-ҳаво билан изоҳлади ва президентнинг аҳволи жойида эканини айтди.Фото: Reuters
25 март, 65-кун. Оқ уйнинг Шарқий залида АҚШ янги президентининг биринчи матбуот анжумани бўлиб ўтмоқда.Фото: Getty Images
29 март, 69-кун. Байден Вашингтонда Вьетнам миллий фахрийлари куни хотирасига бағишланган маросимда қатнашди.Фото: Reuters
31 март, 71-кун. Байден Эндрюс авиабазадаги №1 самолётга чиқиш олдидан. Президент Пенсильвания штатидаги Питцбургга йўл олмоқда.Фото: AP Photo
5 апрель, 76-кун. Оқ уйда Пасха нишонлаётган Жо ва Жил Байден. Коронавирус пандемияси сабабли бу йил анъанавий Пасха тухумини тарқатиш бекор қилинди.Фото: Getty Images
14 апрель, 85-кун. Байден Афғонистондан қўшинларни олиб чиқарилиши ҳақида эълон қилмоқда.Фото: Getty Images
АҚШ президенти Жо Байден апрелда 1 майдан бошлаб Вашингтоннинг Афғонистондаги қўшинлари мамлакат ҳудудидан чиқиб кетишини эълон қилган. Ушбу жараён 11 сентябргача, яъни «Ал-Қоида» террорчилик ташкилотининг Жаҳон савдо маркази ва Пентагонга уюштирган ҳужумларига 20 йил тўладиган кунда тугайди. АҚШнинг ортидан НАТО, Грузия, Болгария ҳам қўшинларини Афғонистондан олиб чиқиб кетишини билдирган.
Байденнинг мазкур қарорига АҚШ собиқ президенти Дональд Трамп муносабат билдирган ва Афғонистондан қўшинларни олиб кетишда 11 сентябрдан фойдаланмаслик, ҳарбийларни тезроқ қайтариш имкониятини кўриб чиқиш мумкинлиги ҳақида танқидий фикр билдирган.
бостириб киргандан кейин вафот этди. Апрель ойида тиббий кўрик натижалари маълум қилинди: эркак инсультни бошдан кечирган ва табиий сабабларга кўра вафот этган. Аммо шифокорлар Сикникнинг аҳволида ўлим олдидаги ҳолатлар (бинога бостириб кирганлар билан тўқнашув) рол ўйнаганини таъкидлади." data-action="zoom" class="border lazyload" />
Изоҳ (0)