Тошкентдаги Ёшлар ижод саройида 24 апрель куни ташқи реклама баннерлари билан боғлиқ муаммолар муҳокамасига бағишланган «Ташқи реклама: Қонун ва аҳоли манфаатлари устуворлиги» мавзусидаги очиқ мулоқот ўтказилди. Ўзбекистон Электрон оммавий ахборот воситлари миллий ассоциацияси томонидан ўтказилган очиқ мулоқотда Олий Мажлис Қонунчилик палатаси депутати Расул Кушербаев ҳам иштирок этиб, йўл бўйларига ҳар қандай реклама конструкциялари ўрнатилишига қарши эканлигини билдирди.
Мана ҳозир айнан ташқи реклама воситаларини йўл бўйларига жойлаштириш қанчалик ўша озгина фойда оламан, деб қоганларга қанчалик зарар ёки халақит бераётганлиги ҳақида гап кетяпти. Тўгриси, мен таклиф берган бўлардим (бу қанчалик тўғри, ўша мазкур ҳокимлик бош қотириб ўйлаб кўриши керак) — умуман йўл бўйига реклама воситаларини қўйдирмайлик, жуда қаттиқ халақит беради ҳайдовчига. Чунки йўл бўйида кетаётган вақтингизда жудаям ахборот кўп, информация кўп. Ҳайдовчини чалғитадиган жудаям кўп шунақа ахборотлар. Яъни йўл бўйида кетаётиб, рекламани ўқийдими ёки йўлга қарайдими ёки йўлни кесиб ўтаётганга ёки светофорга қарайдими? Айрим бир чорраҳалардаги светофорга қарайман десангиз, белгилар яна жимир жимир қилиб айланиб турадиганлари бор, жудаям халақит беради аслида.Депутат, шунингдек, замонавий хориж шаҳарларидаги йўлларда бундай воситалар деярли йўқлигини айтиб, озгина даромад фуқаролар учун пайдо бўлаётган хавфни оқламаслигини таъкидлаган.Буни бошқа жойларини топиш керак, яъни йўл бўйидан ташқари, бошқа одамлар гавжумроқ юрадиган, кўпроқ борадиган бошқа жойлар ҳам бор-ку, балки шу билан чекланиш керакдир? Керакмас умуман йўл бўйига қўйиш. У баннерли бўладими, баннерсиз бўладими, бошқа имкон доирасида, бизга нима керак йўлда шу имкон доирасида йўл ҳаракатланишини тартибга соладиган эго бўлиши керак ёки йўналтирувчи белгилар, яъни ‘уёққа борсанг, манабу объектга борасан’. Бундан ортиғи ҳайдовчига оғирлик ҳам қилади.
Ҳозир мана кўрдик, бир-иккита ҳолатни. Ўзимиз сунъий равишда ташкил қилган мана шунақа ҳаракатлар оқибатида кимларнингдир ўлимигача ҳам олиб келяпти. Йўл бўйидан бошқа жойларга рекламаларни жойлаш ҳақида кўпроқ ўйлайлик, кўпроқ шунинг устида ишлайлик. Бу белгиланаётган, танланаётган жойларда очиқлик, шаффофлик, алоҳида тоифаларга имтиёз бермаслик масаласини кучайтириш керак.
Олий Мажлис Қонунчилик палатаси депутати Расул Кушербаев
Эслатиб ўтамиз, Тошкентда ташқи реклама конструкцияларини хатловдан ўтказиш, ягона электрон реестрни шакллантириш мақсадида ташқи реклама объектларига мораторий жорий этилди. Ушбу тақиқ 2021 йилнинг 1 апрелидан 31 декабригача амал қилади.
Ижтимоий тармоқларда Тошкент шаҳрида юзлаб ташқи реклама конструкциялари ҳеч қандай ҳуқуқий асослар кўрсатилмасдан бузиб ташланаётгани ҳақида хабарлар тарқалгач, Президент ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил ташқи реклама конструкциялари бузиб юборилишининг қонунийлигини ўрганишга киришди. Савдо-саноат палатаси реклама баннерлари нима сабабдан бузилаётганига ойдинлик киритиш мақсадида Тошкент ҳокимлигига сўров юборди.
Изоҳ (0)