Прокурор секторларида яшовчи 200 мингга яқин муҳтож оилаларга кўмак берилиши, 160 мингга яқин фуқаро ишга жойлаштирилиши натижасида «темир дафтар»га киритилган 126 мингта ёки 84 фоиз оила маҳаллий кенгашлар қарорлари асосида эҳтиёжмандлар рўйхатидан чиқарилди. Бу ҳақда Сенатда 23 апрель куни бўлиб ўтган 14-ялпи мажлисда бош прокурор Ниғматилла Йўлдошев маълум қилган.
Оғир вазиятга тушиб қолган 1231 нафар аёлга уй-жой ажратилишида, қарийб 100 минг нафарининг ишга жойлаштирилишида амалий ёрдам кўрсатилгани қайд этилди.
Биргина мисол, Термиз шаҳрида 10 нафар ногирон аёлдан иборат тикув корхонасини ташкил қилган ‘Гулбаҳор Нурли Келажак’ жамияти фаолияти бино ва маблағ етишмовчилиги боис 1,5 йил давомида тўхтаган. Ушбу муаммолар прокуратура кўмаги билан қисқа муддатда ҳал этилди. Натижада корхона фаолияти тикланиб, яна қўшимча 20 та янги иш ўрни яратилди ҳамда уларга ҳам ногиронлиги бўлган аёллар жойлаштирилди.Йўлдошев, шунингдек, Президент Шавкат Мирзиёев томонидан Мажбурий ижро бюроси фаолиятига эътибор берилиб, такомиллаштирилгани, суд ҳужжатларининг ижроси жараёнига ҳар қандай аралашувлар қатъий тақиқланганини айтди. Соҳадаги муаммоларни ҳал қилиш, ижро фаолиятини мувофиқлаштириш мақсадида республика ва ҳудудий кенгашлар ташкил этилганини ютуқ сифатида қайд этди.Ниғматилла Йўлдошев, бош прокурор
Кўрилган чоралар натижасида суд ҳужжатлари бўйича 15,2 триллион сўм, шу жумладан, давлат фойдасига 6,2 триллион сўм ундирилгани, ушбу маблағлар ҳисобидан «темир дафтар», «аёллар дафтари» ва «ёшлар дафтари»га киритилган фуқароларни қўллаб-қувватлаш учун 2020 йили 62 миллиард, 2021 йилнинг 3 ойида эса 104 миллиард сўм йўналтирилганини билдирди.
Изоҳ (0)