Маълумки, қайнатилган тухумнинг ўзи ҳам витаминларга бой ҳамда севиб истеъмол қилинади. Шунингдек, улар ёрдамида бир-биридан мазали салат ва таомлар ҳам тайёрлаш мумкин.
Марокаш таоми рецепти
Ушбу шарқона лаззатли таом, албатта, ҳар бир бекажон учун янгилик бўлиши табиий. Айнан ифторлик дастурхонлари учун ҳам айни муддао.
Керакли маҳсулотлар:
- тухум – 12 дона;
- майонез – 1/2 стакан;
- харисса пастаси – 2 ош қошиқ;
- зайтун ёғи – 1 ош қошиқ;
- қалампир кукуни – 1/2 чой қошиқ;
- кўкат, туз ва зираворлар.
- Қайнатиб олинган тухумлар икки бўлинади ва ичидан сариғи олинади.
- Майонез, харисса, зайтун мойи, қалампир кукуни ва таъбга кўра туз сепиб, аралаштирилади.
- Тухум бўшлиқлари начинка билан тўлдирилади.
- Юзаси майда тўғралган кўкатлар билан безатилади.
Ясмиқ қўшиб тайёрланадиган мазкур салат оқсилга бой бўлиб, баҳор фаслида организмга керакли бўлган витаминларни ўзида жамлаган.
Керакли маҳсулотлар:
- яшил ловия – 200 грамм;
- қайнатилган ясмиқ – 2 стакан;
- тухум – 4-5 дона;
- зайтун – 100 грамм;
- редиска – 150 грамм;
- пиёз – 1/2 дона;
- хантал – 1 ош қошиқ;
- зайтун мойи – 5 ош қошиқ;
- туз ва кўкатлар.
- Қайнатилган тухум катта бўлакларга бўлинади.
- Яшил ловия тузли сувда яхшилаб ювилади.
- Ясмиқ, тухум, ловия, паррак қилиб тўғралган редиска ва бошқа барча маҳсулотлар идишга солинади ва зайтун мойи қуйилиб, яхшилаб аралаштирилади.
- Устига кўкатлар билан безак берилади.
Ихтиёрий равишда салат учун керакли масаллиқлар таркибини ўзгартириш мумкин. Масалан, редиска ўрнига булғори қалампири, гуруч ўрнига картошка қўшинг.
Керакли маҳсулотлар:
- гуруч – 200 грамм;
- краб таёқчалари – 200 грамм;
- редиска – 2 дона;
- майонез – 50 грамм;
- бодринг – 1 дона;
- тухум – 2 дона;
- лимон шарбати, кўкат, туз ва зираворлар.
- Гуруч ва тухум қайнатиб олинади.
- Сабзавотлар ва тухум йирик тўртбурчак шаклида тўғралади.
- Барча масаллиқлар аралаштирилиб, туз, лимон шарбати ва майонез солинади.
Изоҳ (0)