Иммунитетни кўтарувчи майиз ва ёнғоқли шарчалар рецепти

Табиий маҳсулотлардан тайёрланувчи мазкур егулик мазалилиги билан бирга, организм учун ҳам фойдали ҳисобланади.

Керакли маҳсулотлар:

• майиз — 160 г;
• сули ёрмаси — 45-50г;
• майдаланган зиғир уруғи — 2 ош қошиқ;
• ёнғоқ — 45 г;
• асал — 1 ош қошиқ;
• ваниль эссенсияси — 1/4 чой қошиқ;
• туз — 1/2 чой қошиқ;
• кунжут.

1. Майизни қайноқ сувга солиб, 5-7 дақиқага қолдиринг. Кейин сувдан олиб, қуритинг.
2. Блендерда сули ёрмаси, зиғир уруғи, ёнғоқни майдаланг. Унга майиз, асал, туз ва ваниль солиб, ёпишқоқ масса ҳосил бўлгунча аралаштиринг.
3. Тайёр аралашмадан шарчалар ясаб, кунжутга белаб олинг.
4. Шарчаларни пергамент қоғоз устига териб, 1-2 соатга музлаткичга қўйинг.