Шавкат Мирзиёев номига Рамазон ойи муносабати билан давлат ва ҳукуматлар раҳбарлари ҳамда таниқли дин арбобларидан қутловлар келмоқда

Рамазон ойи муносабати билан Ўзбекистон Президенти Шавкат Мирзиёев номига хорижий мамлакатларнинг давлат ва ҳукуматлари, етакчи халқаро ташкилотлар раҳбарларидан, таниқли дин арбобларидан самимий қутловлар келмоқда. Бу ҳақда Президент матбуот хизмати хабар қилди.

Мактубларда хорижий ҳамкорлар томонидан Ўзбекистон Президенти ва кўп миллатли халқига чуқур ҳурмат-эҳтиром билдирилиб, тинчлик-осойишталик, фаровонлик ва равнақ тилаклари изҳор этилган.

Қуйидагилар ўз табрикларини йўллаган:

• Икки муқаддас масжид ходими, Саудия Арабистони Подшоҳи Салмон ибн Абдулазиз Ол Сауд;
• Миср президенти Абдулфаттоҳ ас-Сиси;
• Эрон президенти Ҳасан Руҳоний;
• Қозоғистон президенти Қосим-Жўмарт Тўқаев;
• Бирлашган Араб Амирликлари президенти Халифа бин Зоид Ол Наҳаён;
• Тунис президенти Қаис Саид;
• Жазоир Халқ Демократик Республикаси Президенти Абдулмажид Таббун;
• Фаластин президенти Маҳмуд Аббос;
• Уммон Султони Ҳайсам бин Ториқ Ал Саид;
• Қувайт Amiri Наваф ал-Аҳмад ал-Жобир ас-Сабоҳ;
• Иордания Ҳошимийлар Подшоҳлиги подшоҳи Абдулла II;
• Саудия Арабистони Подшоҳлиги валиаҳди, Вазирлар Кенгаши раиси ўринбосари, мудофаа вазири Муҳаммад ибн Салмон ибн Абдулазиз Ол Сауд;
• Бирлашган Араб Амирликлари вице-президенти, бош вазири, Дубай амирлиги ҳокими Муҳаммад бин Рошид Ол Мактум;
• Бирлашган Араб Амирликлари Қуролли кучлари Олий бош қўмондони ўринбосари, Абу-Даби Амирлиги валиаҳди Муҳаммад бин Зоид Ол Наҳаён;
• Ислом ҳамкорлиги ташкилотининг бош котиби Юсуф ал Усаймин;
• Ислом тараққиёт банки гуруҳи президенти Бандар Ҳажар;
• Иқтисодий ҳамкорлик ташкилоти бош котиби Ҳоди Сулаймонпур;
• Миср бош имоми, Ал-Азҳар университети раҳбари Шайх Аҳмад Муҳаммад ат-Тоййиб.

Бундан аввал Шавкат Мирзиёев Ўзбекистон халқини Рамазон ойи билан табриклагани ҳақида хабар берилганди.