Ramazon oyi munosabati bilan O‘zbekiston Prezidenti Shavkat Mirziyoyev nomiga xorijiy mamlakatlarning davlat va hukumatlari, yetakchi xalqaro tashkilotlar rahbarlaridan, taniqli din arboblaridan samimiy qutlovlar kelmoqda. Bu haqda Prezident matbuot xizmati xabar qildi.
Maktublarda xorijiy hamkorlar tomonidan O‘zbekiston Prezidenti va ko‘p millatli xalqiga chuqur hurmat-ehtirom bildirilib, tinchlik-osoyishtalik, farovonlik va ravnaq tilaklari izhor etilgan.
Quyidagilar o‘z tabriklarini yo‘llagan:
- Ikki muqaddas masjid xodimi, Saudiya Arabistoni Podshohi Salmon ibn Abdulaziz Ol Saud;
- Misr prezidenti Abdulfattoh as-Sisi;
- Eron prezidenti Hasan Ruhoniy;
- Qozog‘iston prezidenti Qosim-Jo‘mart To‘qayev;
- Birlashgan Arab Amirliklari prezidenti Xalifa bin Zoid Ol Nahayon;
- Tunis prezidenti Qais Said;
- Jazoir Xalq Demokratik Respublikasi Prezidenti Abdulmajid Tabbun;
- Falastin prezidenti Mahmud Abbos;
- Ummon Sultoni Haysam bin Toriq Al Said;
- Quvayt Amiri Navaf al-Ahmad al-Jobir as-Saboh;
- Iordaniya Hoshimiylar Podshohligi podshohi Abdulla II;
- Saudiya Arabistoni Podshohligi valiahdi, Vazirlar Kengashi raisi o‘rinbosari, mudofaa vaziri Muhammad ibn Salmon ibn Abdulaziz Ol Saud;
- Birlashgan Arab Amirliklari vitse-prezidenti, bosh vaziri, Dubay amirligi hokimi Muhammad bin Roshid Ol Maktum;
- Birlashgan Arab Amirliklari Qurolli kuchlari Oliy bosh qo‘mondoni o‘rinbosari, Abu-Dabi Amirligi valiahdi Muhammad bin Zoid Ol Nahayon;
- Islom hamkorligi tashkilotining bosh kotibi Yusuf al Usaymin;
- Islom taraqqiyot banki guruhi prezidenti Bandar Hajar;
- Iqtisodiy hamkorlik tashkiloti bosh kotibi Hodi Sulaymonpur;
- Misr bosh imomi, Al-Azhar universiteti rahbari Shayx Ahmad Muhammad at-Toyyib.
Bundan avval Shavkat Mirziyoyev O‘zbekiston xalqini Ramazon oyi bilan tabriklagani haqida xabar berilgandi.
Izoh (0)