Xiaomi компанияси 3 апрель куни Хитойда навбатдаги Mi Home дўконини очди, деб хабар беради IXBT. Ушбу дўкон компаниянинг ҳисоб бўйича 5000-дўконига айланган.
Сўнгги ойларда Xiaomi чакана савдо дўконларини кўпайтирмоқда. 2019 йилнинг якунидаги ҳолатларга кўра, Хитойда Xiaomi’нинг 630 та дўкони бўлган. 2020 йил 6 декабрь куни эса компания дўконлари 1000 тага, январь бошида эса 2000 тага етган.
«Xiaomi’нинг мобил телефонларини офлайн-бизнеси мобил қурилмаларни ‘фастфуд’ каби сотишдан иборат — дўконлардаги товар айланмаси самарадорлигини оширишимиз ва фойда кўриш учун етказиб беришларни оширишимиз керак», — деди Xiaomi China вице-президенти Гао Цзигуан.
5000-дўкон Хитой шимоли-шарқидаги Шенян шаҳрида очилган. У ерда ишлаб чиқарувчининг энг сўнгги флагманлари, хусусан, Xiaomi Mi Mix Fold, Xiaomi Mi 11 Pro ва Xiaomi Mi 11 Ultra моделлари тақдим этилади.
Изоҳ (0)