Дубай полицияси «Арвоҳ» номи билан танилган, миллионлаб долларлик гиёҳванд моддаларни Европага ноқонуний тарзда олиб кирган франциялик наркобарон Муфида Бушибини ҳибсга олди. Бу ҳақда «Интерфакс» хабар берди.
«Француз детективларида Бушибининг фақатгина 20 йиллик фотосуратлари бўлишига қарамай, мавжуд маълумотларни, фото ва видео материалларни таҳлил қилиш ва сунъий интеллектнинг илғор технологияларини қўллаш орқали бизнинг оператив гуруҳимиз унинг жойлашган жойини аниқлашга муваффақ бўлди», — деб таъкидлади Дубай полицияси ходими Жамол Салам ал-Жаллаф.
Бушиби 10 йилдан буён қидирувда бўлган ва сохта ҳужжатлардан фойдаланган.
Терговчиларнинг маълумотларига кўра, наркобарон бир йил давомида 82,6 миллион долларлик 60 тонна наркотик моддаларни Европага олиб кирган. 2015 йилда Бордо суди (Франциядаги шаҳар) Бушибини 20 йиллик қамоқ жазосига ҳукм қилган эди.
Мавзуга доир: Дунёдаги энг қудратли наркобарон саналган Эль Чапо АҚШда умрбод қамоқ жазосига ҳукм қилинди
Шунингдек, Мексикада полиция ходимлари ҳамда жиноий гуруҳнинг аъзолари ўртасида юз берган отишма оқибатида жами 14 нафар одам ҳалок бўлди. Қурбонларнинг 4 таси полициячи экани, олти нафар одамнинг яраланиб шифохонага олиб кетилгани ва уларнинг ҳолати барқарор деб баҳолаётгани хабар қилинди.
Гондурас президентининг укаси Хуан Антонио Эрнандес эса наркотик моддаларнинг ноқонуний савдоси учун АҚШда бир умрлик қамоқ жазосига ҳукм қилинди. 2019 йилнинг октябрь ойида Эрнандес наркотик моддаларнинг ноқонуний савдосига алоқадорликда айбдор деб топилган. Унга энг камида 40 йиллик қамоқ жазоси хавф солаётган эди, лекин прокуратура бир умрлик қамоқ жазоси белгиланишини талаб қилди.
Мавзуга доир: Мексикада марихуана тўлиқ қонунийлаштирилди
Изоҳ (0)