Meksikada politsiya xodimlari hamda jinoiy guruhning a’zolari o‘rtasuda yuz bergan otishma oqibatida jami 14 nafar odam halok bo‘ldi. Qurbonlarning 4 tasi politsiyachi ekani, olti nafar odamning yaralanib shifoxonaga olib ketilgani va ularning holati barqaror deb baholayotgani xabar qilindi, deb yozmoqda “Kommersant”.

Foto: El Universal

Hodisa Meksika shimolidagi Koauila shtatida ro‘y bergan. Hujum “Shimoli-g‘arb karteli” jinoiy guruhi tomonidan uyushtirilgan. Jinoyatchilar huquq-tartibot idoralari xodimlariga avtomatik quroldan foydalanib zarba bergan. Politsiyachilarga qilingan hujumda qancha odamning ishtirok etgani yuzasidan surishtiruv ishlari olib borilmoqda.

Foto: Head Topics

Oktabr oyida Meksika shimolidagi Kulyakan shahrida “Sinaloa” narkokarteli sardorining o‘g‘li “Kichkintoy” laqabli Xoakin Gusmanni politsiya idorasiga olib ketilayotgan vaqtida ham otishma yuz bergan. To‘qnashuvda 21 nafar odam yaralanib, ikki nafar fuqaro halok bo‘lgandi. Politsiya operatsiyani oxirigacha amalga oshira olmagan ya’ni kichik-Gusmanni idoragacha olib borish vazifasi bajarilmagan.