Европа минтақасида ЖЧ—2022 саралаши 2-тури доирасидаги бир қатор учрашувлар 28 март, якшанба куни бўлиб ўтди.
Англия терма жамоаси Албания майдонига сафар қилди. Учрашув тақдирини Ҳарри Кейн (38-дақиқа) ва Мэйсон Маунт (63-дақиқа) томонидан киритилган голлар ҳал қилди.
Ортда қолган икки турдан кейин I гуруҳида инглизлар 1-ўринда бормоқда. Албания эса 2-поғонани банд этган.
Яна бир ўйинда Грузия Испания терма жамоасини меҳмон қилди. Биринчи бўлимнинг сўнгида Хвича Кварацхелия мезбонларни ҳисобда олдинга олиб чиқди. 56-дақиқада эса Ферран Торрес ўз номига гол ёздириб, мувозанатни тиклади. Ҳакам томонидан қўшиб берилган дақиқаларда эса Дани Олмо испанларга ғалаба келтирган голга муаллифлик қилди.
2-турдан кейин Испания 4-очко билан B гуруҳи пешқадамига айланган бўлса, 1 та ўйин ўтказган Грузия сўнгги ўринда бормоқда.
F гуруҳидан ўрин олган ўйинда Дания Молдова дарвозасига жавобсиз 8 та гол урди.
ЖЧ—2022 саралаши
2-тур баҳслари28 март, якшанба
Албания — Англия 0:2
Голлар: 0:1 – 38 Кейн, 0:2 – 63 Маунт.Албания: Бериша, Ҳюсай, Исмайли, Весели, Мемола (Гьясула, 59), Лячи (Ramadaни, 89), Баре (Мемушай, 71), Узуни, Гимшити, Цикалеши (Манай, 59), Броя (Леняни, 59).
Англия: Поуп, Магуайр, Шоу, Стоунз, Уокер, Райс, Филлипс (Уорд-Проуз, 71), Фоден (Лингард, 81), Маунт, Стерлинг, Кейн.
Огоҳлантиришлар: Баре (21), Уокер (69), Кейн (73), Ҳюсай (79), Гьясула (89).
Грузия — Испания 1:2
Голлар: 1:0 – 43 Кварацхелия, 1:1 – 56 Ферран Торрес, 1:2 – 90+3 Олмо.Грузия: Лория, Двали, Гиорбелидзе, Какабадзе (Чабрадзе, 79), Кашия, Лобжанидзе (Шенгелия, 70), Кварасхелия (Квеквескири, 79), Китейшвили (Беридзе, 71), Канкава, Гвилия, Зивзивадзе (Квилитая, 62).
Испания: Унаи Симон, Порро (Льоренте, 65), Эрик Гарсия, Льоренте (Мартинес, 46), Альба, Педри, Фабиан Руис (Тиаго Алькантара, 55), Ферран Торрес, Бускетс (Ойарсабаль, 73), Ҳил (Олмо, 46), Мората.
Огоҳлантиришлар: Льоренте (6), Порро (13), Зивзивадзе (18).
Изоҳ (0)