Тошкент вақти билан 28 март, якшанба куни Лас-Вегасда (АҚШ) UFC 260 мусобақаси бўлиб ўтди.
Мусобақанинг асосий жанги оғир вазн тоифаси чемпиони Стипе Миочич ҳамда даъвогар Френсис Нганну ўртасида кечди.
1-раундда Нганну кетма-кет зарбалари орқали Миочични мувозанатдан чиқаришга ҳаракат қилди. Аммо хорватиялик жангчи зарбаларга туриб бера олди. 2-раунд ҳам Нганнунинг устунлигида бошланди ва ўта кучли берилган кетма-кет зарбалардан сўнг Миочич нокаутга учради.
Шу тариқа Френсис Нганну UFC промоушени оғир вазн тоифасининг янги чемпионига айланди. Франциялик жангчи промоушен оғир вазн тоифасидаги 17-чемпион сифатида тарихга кирди.
Қайд этиш жоиз, Нганну 2018 йил 20 январида UFC 220 мусобақаси доирасида ҳакамлар қарорига кўра Миочичга мағлуб бўлганди.
UFC 260 натижалари билан танишинг:
- Френсис Нганну (16-3) 2-раундда Стипе Миочични (20-4) нокаутга учратди;
- Висенте Луке (20-7-1) 1-раунддаёқ Тайрон Вудлини (19-7-1) таслим этди;
- Шон O’Мэлли (13-1) 3-раундда Томас Алмейдани (22-5) нокаутга учратди;
- Жейми Малларки (13-4) 1-раунддаёқ Кама Ворсини (16-8) нокаутга учратди;
- Алонсо Менфилд (10-2) 1-раунддаёқ Фабио Черантни (7-2) таслим қилди;
- Абубакар Нурмагомедов (16-3-1) ҳакамлар қарорига кўра Жаред Гуден (17-6) устидан ғалаба қозонди;
- Михаил Олексейчук (15-4) ҳакамлар қарорига кўра Модестас Букаускасни (11-4) мағлуб этди;
- Омар Моралес (11-1) ҳакамлар қарорига кўра Шейн Янгни (13-6) ютди;
- Марк-Андре Барио (12-4) 3-раундда Абу Азайтарни (14-3-1) нокаутга учратди.
Изоҳ (0)