Соғлиқни сақлаш вазирининг тегишли буйруғига асосан, Зариф Ашуров Шарифович Республика ихтисослаштирилган наркология илмий-амалий тиббиёт маркази директори вазифасини бажарувчиси этиб тайинланди. Бу ҳақда вазирлик матбуот хизмати хабар қилди.
Унга марказ фаолияти ва аҳолига тиббий хизмат кўрсатиш сифатини ошириш, наркологик касалликлар соҳасидаги профилактика, диагностика ва даволаш ишларида энг илғор инновацион технологияларни татбиқ этиш, нуфузли хорижий тиббиёт муассасалари билан ҳамкорликни кенгайтириш, тизимда ахборотларнинг фаол алмашинувини таъминлаш сингари қатор вазифалар юклатилди.
43 ёшли тиббиёт фанлари доктори, профессор Зариф Ашуров тайинловгача Тошкент тиббиёт академияси Психиатрия ва наркология кафедраси мудири лавозимида фаолият юритиб келаётган эди.
Бундан аввал Вазирлар Маҳкамасининг қарори билан Ўзбекистондаги иккита ОТМга раҳбар, Шавкат Мирзиёевга янги матбуот котиби ҳамда Ўзбекистон мудофаа вазирига биринчи ўринбосар тайинлангани ҳақида хабар берилганди.
Изоҳ (0)