Қашқадарё вилоятининг Қарши туманида Matiz ва Damas автомобиллари тўқнашди. Оқибатда уч киши жароҳат олиб, шифохонага ётқизилди, дея хабар берди «Дарё» мухбири.
Маълум бўлишича, ЙТҲ 26 март куни соат тахминан 15:00 да содир бўлган.
Воқеа жойида «Дарё» мухбири билан суҳбатлашган вилоят ИИБ Йўл ҳаракати хавфсизлиги бошқармаси ахборот хизмати раҳбари Жавлон Бахтиевнинг айтишича, ҳолат Қарши туман ИИБ терговчилари томонидан ўрганилмоқда.
«ЙТҲ айнан қайси автомобиль ҳайдовчисининг айби билан содир бўлгани ҳозирча бизга ҳам маълум эмас. Аммо ҳолат ўрганилмоқда», — дейди Жавлон Бахтиев.
Воқеа жойида бўлиб турган ЙПХ инспекторларининг айтишича, Damas’ни аёл ҳайдовчи бошқарган бўлиб, ЙТҲ натижасида унинг оёқларини пачақланган машина темири сиқиб қўйган.
«Биз уч нафар жабрланувчини шифохонага жўнатдик. Matiz ва Damas тўқнашгани сабаб ҳар иккала ҳайдовчининг ҳам оёқларини темир сиқиб қўйган», — дейди «Дарё» мухбири билан суҳбатлашган ЙПХ ходими.
Аввалроқ Қашқадарёда тўй куни куёвнинг отаси ва икки қариндоши ҳамда келиннинг холаси ЙТҲга учраб, ҳалок бўлгани ҳақида хабар берилганди.
Изоҳ (0)