Самарқанд шаҳридан ўтувчи М-39 йўлида Mercedes-Benz русумли юк автомобили ағдарилиб кетди, дея хабар бермоқда ЙҲХББ.
Маълум қилинишича, 2021 йилнинг 25 март куни соат 14:30 ларда Самарқанд шаҳар ҳудудидан ўтувчи М-39 Тошкент–Бухоро айланма автомобиль йўлининг 1080-километрида Mercedes-Benz 1843LS русумли юк автомобили ҳайдовчиси бошқарувни йўқотиши оқибатида автомашина йўлнинг ўнг томон четки қисмига ағдарилган.
Ҳодиса натижасида тан жароҳати олган фуқаролар йўқ.
Мазкур ҳодиса юзасидан Самарқанд шаҳар ИИО ФМБ ЙҲХБ томонидан суриштирув ҳаракатлари олиб борилмоқда.
Бундан аввал Тошкентда 60 ёшли аёл юк машинаси уриб кетиши оқибатида ҳалок бўлгани, Андижонда икки Nexia йўлни кесиб ўтаётган велосипедчини уриб кетгани ҳамда 3 та Lacetti ва Лабо иштирокида ЙТҲ содир бўлгани ҳақида хабар берилганди.
Изоҳ (0)