Қашқадарё вилоятида қуюқ туманда тезлигини оширган Nexia-2 юк машинасига урилди. Бу ҳақда «Замон» информацион дастурида хабар берилди.
Маълум қилинишича, 2021 йил 21 март куни ичига 7 киши ўтирган Nexia-2 ўша куни тўйи бўладиган қизни гўзаллик салонига олиб бориш учун йўлга тушади. Йўлдаги қуюқ туманни ҳисобга олмасдан, тезликни меъёридан оширган автомашина юк машинасига бориб урилади.
Оқибатда куёвнинг отаси ва икки қариндоши воқеа жойида, келиннинг холаси эса шифохонада вафот этди.
ЙТҲ сабаб ўтказилган муҳокама йиғилишида ЙҲХББ бошлиғи ўринбосари Эрали Бозоровнинг маълум қилишича, қолган уч нафар йўловчи жиддий жароҳат олган.
Бундан аввал Тошкентда 60 ёшли аёл юк машинаси уриб кетиши оқибатида ҳалок бўлгани, Андижонда икки Nexia йўлни кесиб ўтаётган велосипедчини уриб кетгани ҳамда Қаршида йўлни кесиб ўтаётган болалар Lacetti остида қолгани ҳақида хабар берилганди.
Изоҳ (0)