«Баница» — болгарча пишлоқли пирог рецепти

Пишлоқ ва йогурт билан тайёрланган ушбу пирог Болгарияда асрлар давомида севиб истеъмол қилинади. Ушбу рецепт асосида пирог ичига кўкат, гўшт ва гуруч ҳам солиш мумкин.

Керакли маҳсулотлар:

• болгар ёки қўшимчаларсиз табиий йогурт — 300 грамм;
• тухум — 4 дона;
• фета пишлоғи — 300 грамм;
• сариёғ — 120—150 грамм;
• фило хамири — 12 дона;
• тухум сариғи, туз ва зираворлар.

1. Йогуртга 4 та тухум, пишлоқ, туз ва зиравор қўшилади.
2. Сув буғида бироз эритилади.
3. Иккита хамир олиниб, ёғланади, устидан яна бир хамир ёғланади ва начинка солиниб, рулет шаклида ўралади.
4. Хамирлар шу тарзда бир-брига уланиб, думалоқ шаклни ҳосил қилиши керак.
5. Ортиб қолган сариёғ ва тухум сариғи аралаштирилиб, пирог устига сурилади.
6. Печда, тахминан, 25 дақиқа давомида 200 даражада пишириб олинади.