Бугун,

  • USD 11095.31
  • RUB 173.84
  • EUR 10772.44

AstraZeneca швед-инглиз компаниясининг коронавирусга қарши вакцинаси АҚШ, Перу ва Чилида ўтказилган клиник синовларда COVID-19’нинг оғир шаклидан ҳимоя қилиш бўйича 100 фоиз, касаллик симптомларига қарши 79 фоиз самарадорлик кўрсатди. Бу ҳақда AstraZeneca ва Оксфорд университети вакиллари маълум қилди, деб ёзади «Интерфакс».

Фото: Reuters

Фото: Reuters

Хабарга кўра, клиник синовларда 32 400 киши иштирок этган.

Компаниянинг қўшимча қилишича, мустақил экспертлар гуруҳи «эмлаш билан боғлиқ хавотирлар учун ҳеч қандай сабаб топмаган», шу жумладан, «тромбоз ёки тромботик ҳодисалар хавфининг ортиши ҳолатлари кузатилмаган».

Эслатиб ўтамиз, AstraZeneca вакцинаси билан эмланганларнинг қонида тромб пайдо бўлгани ҳақидаги хабарлардан сўнг бир қатор мамлакатлар препаратдан фойдаланишни тўхтатиб қўйганди. Ҳолат бўйича текширув ўтказган Европа дори-дармон агентлиги (EMA) AstraZeneca вакцинасини хавфсиз деб топди. Регуляторнинг фикрича, вакцинанинг афзалликлари унинг ножўя таъсиридан кўпроқ, препарат қонда тромб пайдо бўлиш хавфини оширмайди.

Шундан сўнг Европа мамлакатлари AstraZeneca билан эмлашни қайта бошлади.

ЖССТ AstraZeneca вакцинасидан фойдаланишни тўхтатишга сабаб кўрмаётганини маълум қилди. ЖССТ, шунингдек, тромбоэмболизм дунёдаги энг кенг тарқалган юрак-қон томир касалликлари орасида учинчи ўринда туришини ва принципиал жиҳатдан жуда кенг тарқалган ҳодиса эканини таъкидлади.

Норвегиялик профессор Пол Андренинг фикрича, қон тромблари, эҳтимол, AstraZeneca вакцинасини қабул қилгандан кейин кучли иммун реакцияси пайдо бўлиши билан боғлиқ: беморнинг танасида тромбоцитларни фаоллаштирадиган ва қон тромбларининг пайдо бўлишига олиб келадиган ўзига хос антитаналар ишлаб чиқарилган.

AstraZeneca маълумотларига кўра, Европа Иттифоқи ва Буюк Британияда 17 миллион киши COVID-19’га қарши мазкур вакцинани қабул қилган.

Аввалроқ Европанинг ярми рад этган AstraZeneca вакцинасини Тожикистон мамнуният билан қабул қилмоқчилиги, Қирғизистон эса AstraZeneca вакцинасини олиш масаласини кўриб чиқишни тўхтатгани ҳақида хабар берилганди.

17 март куни Тошкентга AstraZeneca вакцинасининг 660 минг дозаси олиб келинди.

Изоҳ
Asosiy yangiliklar
Дунё
«Украинадаги урушни Россия бошламаган» — Путин (видео)
Маҳаллий
Ўзбекистонда давлат ташкилотлари машиналарига газ қуйиш вақтинча тақиқланди
Маҳаллий
Тошкентда Cobalt йўлдан ўтаётган она-болани уриб юборди (видео)