Bugun,

  • USD 11095.31
  • RUB 173.84
  • EUR 10772.44

Daniyada AstraZeneca vaksinasi bilan emlangan ikki nafar tibbiyot xodimi kasalxonaga yotqizildi. Keyinroq ulardan biri vafot etdi, deb yozadi “RBK”.

Foto: EPA

Foto: EPA

Daniya dori vositalari agentligi xabariga ko‘ra, ikkala tibbiyot xodimi ham kasalxonaga yotqizilishdan kamida 14 kun avval AstraZeneca vaksinasi bilan emlangan.

ExtraBladet gazetasiga ko‘ra, kasalxonaga 30 yoshli ayol keltirilgan. Unda qon ketishi, qon quyulib qolishi va trombotsitlarning past darajasi kuzatilgan. Ikkinchi bemor — vafot etgan shaxs esa erkak kishi bo‘lgan. Uning o‘limiga aynan nima sabab bo‘lgani ma’lum qilinmayapti.

Avvalroq Norvegiyada AstraZeneca vaksinasi bilan emlanganidan keyin shifoxonaga yotqizilgan tibbiyot xodimi vafot etgan edi.

Shuningdek, Gruziyaning Axalsixe shahrida tibbiyot muassasalaridan birining xodimasi AstraZeneca vaksinasi bilan emlanganidan keyin komaga tushib qoldi. 27 yoshli hamshirada anafilaktik shok yuzaga kelgani taxmin qilinmoqda. Hamkasblari so‘zlariga ko‘ra, uning ahvoli og‘ir. Gruziya sog‘liqni saqlash vazirligi AstraZeneca bilan emlangan jami uch mingdan ortiq odamning besh nafarida ikkilamchi asoratlar kuzatilganini tasdiqladi.

Ayni paytda Polshada esa AstraZeneca Britaniya-Shvetsiya kompaniyasining minglab dozadagi vaksinalari foydalanmasdan qolib ketmoqda: fuqarolar ushbu dori bilan emlanishdan bosh tortmoqda.

“So‘nggi kunlarda AstraZeneca vaksinasi bilan emlanish uchun ro‘yxatdan o‘tayotgan odamlar soni bir necha o‘n foizga pasayib ketdi. Bir necha yuz minglab vaksina odamlar kelmagani uchun vaksinatsiya punktlarida foydalanilmasdan yotibdi”, — dedi Polsha hukumati rahbarining matbuot kotibi Mixal Dvorchik. Shu bilan birga, u pandemiyani yengish uchun fuqarolarni emlanishga chaqirdi.

Eslatib o‘tamiz, AstraZeneca vaksinasi bilan emlanganlarning qonida tromb paydo bo‘lgani haqidagi xabarlardan so‘ng bir qator mamlakatlar preparatdan foydalanishni to‘xtatib qo‘ygandi. Xususan, Germaniya, Fransiya, ItaliyaIspaniya, Sloveniya, Portugaliya, Kipr, Niderlandiya, Avstriya, Daniya, Estoniya, Latviya, Litva, Bolgariya, Irlandiya, Lyuksemburg, Norvegiya va Islandiya, shuningdek, Yevropadan tashqaridagi Indoneziya, Kongo va Janubiy Afrika mamlakatlarida mazkur vaksinadan foydalanish to‘xtatilgan.

Yevropa dori-darmon agentligi (EMA) koronavirusga qarshi AstraZeneca vaksinasi xavfsiz va samarali deb e’lon qilgach, Yevropa davlatlari ushbu preparat bilan emlashni qayta boshladi. Xususan, Germaniya, Fransiya, Italiya, Ispaniya, Bolgariya, Portugaliya va Sloveniya, shuningdek, Kanada va Latviyada ham AstraZeneca bilan emlashni qayta boshlashga ruxsat berildi.

Izoh
Asosiy yangiliklar
Mahalliy
O‘zbekistonda 175 kishining pasportiga IMEI kodlari noqonuniy ro‘yxatdan o‘tkazilgani aniqlandi
Mahalliy
Vazirlikning 8 mlrdga tushgan sayti, qashqadaryolik ota-o‘g‘ilning Toshkentni “lol qoldirgan” qilmishi: “Daryo”da hafta dayjesti
Mahalliy
Uy-ro‘zg‘or ishlari ayollarning iqtisodiy faolligini tushiradi: O‘zbek ayolining martabaga erishish imkoniyatlari tahlil qilindi