Bugun,

  • USD 11095.31
  • RUB 173.84
  • EUR 10772.44

Qirg‘iziston COVAX dasturi doirasida mamlakatga koronavirusga qarshi AstraZeneca vaksinaning yetkazib berilishi masalasini ko‘rib chiqishni to‘xtatdi. Bu haqda Qirg‘iziston sog‘liqni saqlash vaziri Alimqodir Beyshenaliyevga tayanib “Interfaks” xabar berdi.

Foto: AFP

Foto: AFP

“Koronavirus infeksiyasiga qarshi AstraZeneca vaksinasi bo‘yicha ba’zi yuridik masalalar mavjud, ayni paytda bizning huquqshunoslarimiz ular ustida ish olib bormoqda, shuning uchun vaksinaning yetkazib berilishi haqidagi kelishuvga oid ishlar to‘xtatildi”, — dedi Beyshenaliyev.

Uning so‘zlariga ko‘ra, mamlakat COVAX dasturi doirasida 1,2 million dozada vaksinani bepul olishga umid qilmoqda. “Biz AstraZeneca vaksinasi bilan bog‘liq mulohazalarimizni Qirg‘iziston hukumatiga, xususan, asoratlar uchun mas’ul bo‘lgan shaxslarga yubordik. Ammo ushbu vaksinadan butunlay voz kechish niyatimiz yo‘q”, — dedi Sog‘liqni saqlash vazirligi rahbari.

Yaqin kunlarda Qirg‘iziston Rossiyaning “Sputnik V” va Xitoyning Sinopharm kompaniyalari vaksinasini qabul qilib oladi, deya qo‘shimcha qildi Beyshenaliev. “Vaksinalar yaqin kunlarda yetib keladi. Vaksinatsiya aprel oyida boshlanadi, tibbiyot xodimlari malaka oshirib, zarur tayyorgarlikdan o‘tkaziladi”, — dedi Beyshenaliyev.

Birinchi bosqichda tibbiyot xodimlari, kasallikning og‘ir shakllari rivojlanishining xavfi sezilarli darajada yuqori bo‘lgan ijtimoiy-demografik guruhlar, o‘qituvchilar, huquqni muhofaza qilish va xavfsizlik idoralari xodimlari, xizmat ko‘rsatish sohasi, savdo va umumiy ovqatlanish joylaridagi xodimlarni emlash rejalashtirilgan.

Ikkinchi bosqichda vaksina 60 yoshdan oshganlarga, klinik xavf omillari va surunkali kasalliklarga chalingan hamda aholining ijtimoiy himoyaga muhtoj guruhlariga beriladi. Uchinchi bosqichda vaksinatsiya davlat va xayriya tashkilotlari mablag‘lari hisobidan davom ettiriladi.

Qirg‘iziston Sog‘liqni saqlash vazirligi emlash markazlarini Chuy viloyati, Bishkek va O‘sh shaharlarida joylashtirish bo‘yicha dastlabki rejani ishlab chiqdi. Emlash jarayonini tezkor kuzatish natijalariga qarab, qolgan emlash punktlari respublikaning barcha hududlarida joylashtiriladi.

Eslatib o‘tamiz, AstraZeneca vaksinasi bilan emlashlar boshlangandan so‘ng vaksinani qabul qilganlar orasida kasalxonaga yotqizish va o‘lim holatlari kuzatila boshladi. O‘lim holatini o‘rgangan shifokorlar ushbu dori bilan emlanganlarda qon tromblari hosil bo‘lganini aniqladi.

Avvalroq ko‘plab Yevropa mamlakatlari AstraZeneca vaksinasidan foydalanishni to‘liq yoki qisman to‘xtatgani haqida e’lon qilgan, xususan, Germaniya, Fransiya, ItaliyaIspaniya, Sloveniya, Portugaliya, Kipr, Niderlandiya, Avstriya, Daniya, Estoniya, Latviya, Litva, Bolgariya, Irlandiya, Lyuksemburg, Norvegiya va Islandiya, shuningdek, Yevropadan tashqaridagi Indoneziya, Kongo, Tailand va Janubiy Afrika mamlakatlarida mazkur vaksinadan foydalanish to‘xtatilgan.

Izoh
Asosiy yangiliklar
Dunyo
“Ukrainadagi urushni Rossiya boshlamagan” — Putin (video)
Mahalliy
O‘zbekistonda davlat tashkilotlari mashinalariga gaz quyish vaqtincha taqiqlandi
Mahalliy
Toshkentda Cobalt yo‘ldan o‘tayotgan ona-bolani urib yubordi (video)