Тухумли начинка ҳамда сосискадан тайёрланадиган лаваш рецепти

Мазкур таом нонушта ёки газак учун энг яхши егулик бўлиши, шубҳасиз.

Керакли маҳсулотлар:

• тухум − 3 дона;
• қаттиқ пишлоқ − 100 грамм;
• юмшоқ пишлоқ − 1 дона;
• майонез − 2 ош қошиқ;
• сосиска − 8-10 дона;
• лаваш хамири − 2 дона;
• ўсимлик ёғи − 2 ош қошиқ;
• туз ва кўкат.

1. Қайнатиб олинган тухум қирғичдан ўтказилади ва майда тўғралган кўкат билан аралаштирилади.
2. Икки турдаги пишлоқ ҳам қирғичдан ўтказилади. Тухумли аралашма устидан солиниб, майонез билан аралаштирилади.
3. Сосискалар қайнатиб олинади.
4. Лаваш хамири ўртача катталикда тўртбурчак шаклда кесиб олинади.
5. Ичига майонезли аралашма солиниб, устидан қайнатилган сосиска қўйилади. Хамир чети букланиб, рулет ҳосил қилинади.
6. Товада қизиган ёғда рулетларнинг ҳар икки томони қизаргунга қадар қовуриб олинади.