Картошка ва сосискадан мазали пирожки тайёрлаймиз

Одатда пирожкиларни хамирдан тайёрланиши маълум. Аммо бу сафар уларни картошка пюресидан пишириб кўринг.

Керакли маҳсулотлар:

• картошка – 500 грамм;
• тухум – 2 дона;
• ун – 3-4 ош қошиқ;
• сосиска – 5-6 дона;
• саримсоқ – 2 бўлак;
• ўсимлик ёғи – 5-6 ош қошиқ;
• туз.

1. Картошкалар тузли сувда қайнатиб олинади ва совитишга қўйилади.
2. Сўнгра қирғичдан ўтказилиб, пюре тайёрланади.
3. Устидан тухум, ун ва туз қўшиб, аралаштирилади.
4. Аралашма 5-6 та қисмга бўлиниб, думалоқ шаклга келтирилади.
5. Ҳар бир хамирнинг ўртасига сосиска қўйилиб, хамир четлари бирлаштирилади.
6. Саримсоқ пиёзи тозаланиб, қизарунча қовуриб олинади. Сўнгра ёғдан олинади.
7. Товадаги ёғда 4-5 дақиқа давомида пирожкиларнинг икки тарафи қизаргунча қовурилади.