Kartoshka va sosiskadan mazali pirojki tayyorlaymiz

Odatda pirojkilarni xamirdan tayyorlanishi ma’lum. Ammo bu safar ularni kartoshka pyuresidan pishirib ko‘ring.

Kerakli mahsulotlar:

• kartoshka – 500 gramm;
• tuxum – 2 dona;
• un – 3-4 osh qoshiq;
• sosiska – 5-6 dona;
• sarimsoq – 2 bo‘lak;
• o‘simlik yog‘i – 5-6 osh qoshiq;
• tuz.

Tayyorlanish jarayoni

1. Kartoshkalar tuzli suvda qaynatib olinadi va sovitishga qo‘yiladi.
2. So‘ngra qirg‘ichdan o‘tkazilib, pyure tayyorlanadi.
3. Ustidan tuxum, un va tuz qo‘shib, aralashtiriladi.
4. Aralashma 5-6 ta qismga bo‘linib, dumaloq shaklga keltiriladi.
5. Har bir xamirning o‘rtasiga sosiska qo‘yilib, xamir chetlari birlashtiriladi.
6. Sarimsoq piyozi tozalanib, qizaruncha qovurib olinadi. So‘ngra yog‘dan olinadi.
7. Tovadagi yog‘da 4-5 daqiqa davomida pirojkilarning ikki tarafi qizarguncha qovuriladi.

Yoqimli ishtaha! Mavzuga doir:

• Pishloq qo‘shib tayyorlanadigan qovurma lavash retsepti
• Vitaminlarga boy ismaloqli pirojki pishiramiz
• Pishloq va sousli tovuq — parmijano retsepti
• Bahoriy taomnoma: vitaminlarga boy 5 xil mazali sho‘rva retsepti
• Quymoqqa o‘ralgan qiyma va tuxum − shotlandcha taom retsepti