Японияда пиво ишлаб чиқариш билан шуғулланувчи Asahi Breweries компанияси пиво учун истеъмол қилса бўладиган стаканларни яратди, деб хабар беради «Korrespondent.net».
Mog Cup номини олган идишлар истеъмол қилишга яроқли материалларни тайёрлашга ихтисослашган Marushige Confectionery компанияси билан ҳамкорликда ишлаб чиқарилмоқда.
У картошка крахмалини юқори ҳарорат ва босим остида пишириш орқали тайёрланмоқда. Ишлаб чиқарувчининг таъкидлашича, стаканлар суюқликни хона ҳароратида бир соатгача ушлаб тура олади. Ҳозирда бу каби идишларнинг уч ўлчамдагиси — S, М ва L сотувга чиққан, шунингдек, уларнинг бир неча хил таъми ҳам бор.
«Шоколад ёки қисқичбақа таъмига эга гуручли крекер мазасини берувчи стаканларни харид қилиш мумкин», — дейилади хабарда.
Ҳозирда стаканларнинг 10 донадан иборат жамланмаси интернет дўкон орқали сотилмоқда. Энг кичик ўлчамдаги Mog Cup нархи 10,6 долларни ташкил этади.
Аввалроқ Лондонда еса бўладиган лапша қадоғи яратилган эди, у устига сув қуйилганида соусга айланади.
Изоҳ (0)