Америкалик тадбиркор Илон Маск барча турдаги транспорт воситалари — автомобиллардан тортиб самолёт ва кемаларга қадар ўзининг Starlink сунъий йўлдош интернет тармоғига уланиши мумкинлигини эълон қилди. Бу ҳақда компания АҚШнинг Алоқа бўйича федерал комиссиясига йўллаган мактубида маълум қилган, деб ёзади «Korrespondent.net».
SpaceX’дагиларнинг маълум қилишича, бу каби янгилик тармоқни стационар қурилмалардан транспорт воситаларига қадар кенгайтириш имконини беради.
Бундан ташқари, мазкур интернет тармоғидан АҚШ ва дунёнинг бошқа мамлакатларида ҳам бемалол фойдаланиш мумкин. Компания интернет тармоғининг бу қадар кенгайиш босқичини Starlink’ни ривожлантиришдаги ҳаракат кучи деб атамоқда.
SpaceX’нинг сунъий йўлдош сиёсати бўйича директори Дэвид Голдман бу турдаги интернетни жорий этиш заруратини ҳаракатланиш вақтида глобал тармоққа уланиши лозим бўлган юк машина ҳайдовчилари ва учувчилар талаби билан боғламоқда.
Шу билан бирга, SpaceX ҳозирча янги терминаллар дизайни жиҳатидан янги мижозларга ўрнатилаётганлардан фарқ қилиш ёки қилмаслигига ойдинлик киритмаган. Ҳозирча қўшимча маҳкамлагичлар ҳақида маълум халос — унинг ёрдамида терминал транспорт воситасига ўрнатилади.
Аввалроқ SpaceX компаниясига тегишли Falcon 9 ташувчи ракетаси 60 та Starlink коммуникация сунъий йўлдошларининг навбатдаги гуруҳи билан орбитага муваффақиятли учирилган эди.
Изоҳ (0)