OnePlus компанияси асосчиси Карл Пей ўзининг мустақил аудиотехника брендини яратиш мақсадида 2020 йили компаниядан кетган эди — шундай қилиб янги Nothing компанияси пайдо бўлган. Шаффоф корпусли ноодатий дизайнга эга Concept 1 наушниклари эса мазкур компаниянинг биринчи маҳсулотига айланди, деб хабар беради Hi-Tech.Mail.ru.
Бу қанақа наушник эканлиги, унинг ўзига хослиги ва қанча нархда сотувга чиқиши — номаълум. Карл Пей фойдаланувчилар ўртасида кучли қизиқиш уйғотиб, ўз маҳсулотига оид маълумотларни босқичма-босқич эълон қилиб бормоқда. Ҳозирда у True Wireless (TWS) форматидаги тўлиқ симсиз наушник эканлиги маълум.
Технологиялар одамлар ҳаётини енгиллаштириши учун Карл Пей Nothing компаниясининг асосий ғояси сифатида очиқлик ва ҳамёнбопликни танлаган. У тез орада наушникларга оид батафсил маълумотлар билан бўлишишни ваъда қилган, ҳозирча у қачон сотувга чиқиши тўғрисида ҳам маълумот йўқ.
Карл Пей OnePlus компаниясига 2013 йилда асос солган эди — у таркибига Oppo, Vivo, Realme ва бошқа брендлар кирадиган Хитойнинг улкан BBK концернининг шўъбасига айланган. 2020 йилнинг сентябрида у ўз брендини яратиш мақсадида компаниядан кетган. Google ҳозирда Nothing компаниясига 15 миллион доллар сармоя киритган.
Аввалроқ Apple наушник ишлаб чиқаришда шишадан фойдаланишни режалаштираётгани тўғрисида хабар берилганди.
Изоҳ (0)