Hyundai компанияси тез орада ўзининг янги минивэнини тақдим этишга тайёрланмоқда, деб ёзади CARakoom.
Тахминларга кўра, янги модель H1 / Starex ўрнини эгаллайди ва Staria деб номланади. Янги минивэн маҳаллий бозордан ташқари қатор давлатларда сотувга чиқади, айнан қайси давлатлар эканлигига ҳозирча аниқлик киритилмаган. Мазкур минивэн футуристик кўринишга эга: автомобиль ишлаб чиқарувчининг маълум қилишича, у «космик кемани ёдга солади».
Олд томондан қараганда бир қанотдан иккинчи томон уланган ёруғлик диодли узун лента кўзга ташланади, шу билан бирга, асосий фаралар ҳар томонида кенг радиатор панжарасининг пастида жойлашган. Шунингдек, сурилиб очиладиган бир жуфт орқа эшиклар, улкан ойна, баланд шифт линияси ва вертикал равишда ўрнатилган орқа фонарларни кўриш мумкин.
Hyundai’нинг таъкидлашича, янги модель «олий тоифадаги қулайлик»ни таъминлайди, бу эса «ҳам бизнес, ҳам оилавий фойдаланиш учун идеал даражада мос келади». Машина салонидаги олд панель марказидан мультимедиа тизимининг улкан экрани ўрин олган. Ҳайдовчилар учун мўлжалланган оддий қурилмалар панели эса кўзга ташланмайди, шу сабабли маълумотлар худди Tesla Модель 3’даги каби марказий дисплейда тасвирланиши мумкин.
Бундан ташқари, суратлардан кўриш мумкинки, минивэнда турли буюмларни сақлаш учун кўплаб жой мавжуд, шу билан бирга, алоҳида орқа ғилдирак ҳам бор.
Аввалроқ Hyundai Ioniq 5 электрокари олдиндан буюртмалар борасидаги рекордни янгилагани тўғрисида хабар берилганди.
Изоҳ (0)