Америкалик миллиардер Уоррен Баффеттнинг бойлиги 100 миллиард доллардан ошди. Бунга унинг Berkshire Hathaway Inc. инвестиция компанияси акцияларининг нархи кескин кўтарилиши сабаб бўлди. Бу ҳақда Reuters хабар берди.
10 март куни 90 ёшли миллиардернинг бойлиги 100,4 миллиард долларга етган.
Натижада у 100 миллиард доллардан ортиқ бойликка эга бўлган тадбиркорлар қаторидан жой олди. Бу рўйхатда Amazon асосчиси Жефф Безос (179,6 миллиар доллар), Tesla асосчиси Илон Маск (165,1 миллиард доллар) ва Microsoft асосчиси Билл Гейтс (125,6 миллиард доллар) етакчилик қилмоқда.
Маълумот учун, Уоррен Баффетт 3,6 миллиард доллар маблағини хайрияга сарф қилган.
Аввалроқ Tesla акциялари деярли 20 фоизга қимматлашиб, Илон Маскнинг бойлиги бир кун ичида рекорд даражада — 25 млрд долларга кўпайгани ҳақида хабар берилганди.
Изоҳ (0)