Комбожада 11 март куни пандемия бошланганидан буён коронавирус билан боғлиқ биринчи ўлим ҳолати қайд этилгани ҳақида хабар берилди, деб ёзмоқда Associated Press.
Марҳум Сиануквиль қирғоғида ишлайдиган 50 ёшли ҳайдовчи бўлган. Февраль ойида унда коронавирус аниқланган, 11 март куни тонгда касалхонада вафот этган.
Пандемия бошидан буён Камбожада 1163 та вирус билан зарарланиш ҳолати рўйхатга олинган. Ҳозир мамлакат COVID-19’нинг янги тўлқини билан курашмоқда. Соғлиқни сақлаш вазирлигининг маълумотларига кўра, коронавируснинг навбатдаги тўлқини февраль ойининг бошларида карантин қоидаларини бузиб, тунги клубга борган чет элликлар томонидан қасддан қилинган бўлиши мумкин.
20 февралдан бошлаб мамлакат пойтахти Пномпен ҳамда Кандаль ва Сиануквиль провинцияларида мактаблар, кинотеатрлар, барлар, музейлар ва кўнгилочар жойлар ёпилди.
Изоҳ (0)