Twitter асосчиси Жек Дорси биринчи твитидан йиғилган пулни GiveDirectly фондининг Африкадаги кам таъминланган оилаларга ёрдам кўрсатувчи Africa Response дастурига йўналтиришни режалаштиряпти. Бу ҳақда «Коммерсантъ» хабар берди.
The Verge ёзишича, Дорси ўзининг биринчи твитини NFT — ўзгармас токен сифатида сотишга уринмоқда. Дорси савдолар бўлиб ўтаётган саҳифага ҳаволани қўйганидан кейин бир неча дақиқада твитнинг нархи 88 минг долларгача кўтарилди. Айни пайтда эса Twitter раҳбарининг илк хабари учун таклиф қилинган энг катта нарх 2,5 миллион долларга етди.
«Йиғилган пулларни биткоинга алмаштириб, уларни дарҳол GiveDirectly фондининг Africa Response дастурига юбораман», — деб ёзган Дорси Twitter саҳифасида.
Биринчи твит учун онлайн аукцион 21 мартгача давом этади. Харидор муаллиф томонидан имзоланган ва тасдиқланган ноёб рақамли сертификатни олади.
«Шунчаки Twitter саҳифамни созлаяпман», — деб ёзган Дорси 2006 йилдаги биринчи твитида.
just setting up my twttr
— jack (@jack) March 21, 2006
Изоҳ (0)