Twitter asoschilaridan biri Jek Dorsi to‘rt yil avval ijrochi direktor lavozimiga qaytganidan beri birinchi marta ish haqi oldi, deb yozadi Forum Daily.
Foto: Google Images
Xabarda aytilishicha, uning ish haqida bir yil uchun 140 sentni tashkil etgan.
Kompaniya normativ hujjatlariga muvofiq 8-aprel kuni e’lon qilingan bunday ishonish qiyin bo‘lgan kamtarona ish haqi servis yaratilganidan beri bitta twit uchun ruxsat berilgan belgilar soniga teng.
2017-yili kompaniya ko‘proq foydalanuvchilarni jalb etish maqsadida bunday cheklovni bekor qilgan. Bu vaqtda Dorsi Twitter aksiyalaridan bonuslar yoki foizlar olmaslikka qaror qilgan. U bunday qarorni Twitter’ning uzoq muddatli qadriyatlarini yaratishda ishonch va sadoqat belgisi sifatida izohlagan.
Twitter’da 140 ta belgigacha cheklov o‘tmishdagi texnologik davr qoldig‘i bo‘lib, servis ishga tushirilgan 2006-yilda telefonlarda shuncha belgi sig‘ar va hali smartfonlar ommaviy ishlab chiqarilmagan edi.
2017-yilda bu cheklov 280 gacha uzaytirilgan. Biroq bu Dorsining ish haqiga ta’sir qiladimi-yo‘qmi noma’lum.
“Lekin 42 yoshli Jek Dorsini bu tashvishga solmaydi. Vikipediya ma’lumotlariga ko‘ra, Forbes jurnali reytingida uning daromadi 2019-yilda 5,1 milliard dollarga baholagani qayd etilgan”, — deyiladi xabarda.
