Twitter asoschisi Jek Dorsi birinchi tvitidan yig‘ilgan pulni GiveDirectly fondining Afrikadagi kam ta’minlangan oilalarga yordam ko‘rsatuvchi Africa Response dasturiga yo‘naltirishni rejalashtiryapti. Bu haqda “Kommersant” xabar berdi.
The Verge yozishicha, Dorsi o‘zining birinchi tvitini NFT — o‘zgarmas token sifatida sotishga urinmoqda. Dorsi savdolar bo‘lib o‘tayotgan sahifaga havolani qo‘yganidan keyin bir necha daqiqada tvitning narxi 88 ming dollargacha ko‘tarildi. Ayni paytda esa Twitter rahbarining ilk xabari uchun taklif qilingan eng katta narx 2,5 million dollarga yetdi.
“Yig‘ilgan pullarni bitkoinga almashtirib, ularni darhol GiveDirectly fondining Africa Response dasturiga yuboraman”, — deb yozgan Dorsi Twitter sahifasida.
Birinchi tvit uchun onlayn auksion 21-martgacha davom etadi. Xaridor muallif tomonidan imzolangan va tasdiqlangan noyob raqamli sertifikatni oladi.
“Shunchaki Twitter sahifamni sozlayapman”, — deb yozgan Dorsi 2006-yildagi birinchi tvitida.
https://twitter.com/jack/status/20
Izoh (0)