Нуруллан Ерлепесов Қорақалпоғистон Вазирлар Кенгаши раисининг Молия, иқтисодиёт ва камбағалликни қисқартириш масалалари бўйича биринчи ўринбосари — иқтисодий тараққиёт ва камбағалликни қисқартириш вазири лавозимига тайинланди. Бу ҳақда ЎзА хабар берди.
Ушбу лавозимда у Чимбой туманига ҳоким этиб тайинланган Айбек Тажетдинов ўрнини эгаллади.
Нуруллан Ерлепесов меҳнат фаолияти давомида Қорақалпоғистон Монополиядан чиқариш ҳамда рақобатни ривожлантириш давлат қўмитаси раиси, Қорақалпоғистон Вазирлар Кенгаши раисининг иқтисодий-ижтимоий ривожлантириш масалалари бўйича ўринбосари, Ўзбекистон Иқтисодиёт ва саноат вазирлиги Машинасозлик ҳамда электротехника саноатини ривожлантириш бошқармаси бошлиғи, Ўзбекистон Иқтисодиёт ва саноат вазирлиги ҳузуридаги Тармоқ бозорлари ва экспортга мўлжалланган саноат тадқиқотлари маркази директори, ушбу вазирликнинг саноат маҳсулотлари бозорини ривожлантириш ҳамда барқарорлаштириш стратегияси департаменти бошлиғи, Ўзбекистон Иқтисодий тараққиёт ва камбағалликни қисқартириш вазирлиги Саноат сиёсатини юритиш департаменти директори каби масъулиятли лавозимларда ишлаб келган.
Аввалроқ Қорақалпоғистоннинг Транспорт ва Меҳнат вазирликлари раҳбарлари ўзгаргани ҳақида хабар берилган эди.
Изоҳ (0)