Олий Мажлис Сенати раисининг биринчи ўринбосари Содиқ Сафоев Alter Ego лойиҳасига берган интервьюсида Ўзбекистоннинг Биринчи Президенти Ислом Каримов, 2016 йилда унинг ўлимидан сўнг содир бўлган воқеалар ва мамлакатнинг муқобил номлари ҳақида фикр билдирди, деб ёзади «Gazeta.uz».
Содиқ Сафоев Ислом Каримовнинг давлат мустақиллигини эълон қилган баёноти депутатлар учун кутилмаганда содир бўлганини рад этди. Мамлакат мустақиллиги 1991 йилнинг 31 августида Тошкентда Ўзбекистон ССР Олий Кенгашининг навбатдан ташқари 7-сессиясида эълон қилинган (Содиқ Сафоев у вақтда президент аппаратида халқаро департамент бошлиғи сифатида ишлаган).
«Президент Каримов мустақилликни эълон қилганида, депутатлар кутилмаган ҳолатдан ҳайратга тушишганини айтишади. Ҳеч қандай довдираш бўлмаган. Ўша воқеанинг гувоҳиман — ўша залда ўтирган эдим. Бу йиғилишга бир неча ҳафта тайёрланганмиз. Кечаю кундуз ўтириб, қарорлар ёзардик, уни қайта ишлардик. Хусусан, олдимизга депутатлар гуруҳи ҳам кириб ишлаган. Бундан ташқари, улар радикал кайфиятда эди, анча узоқ оқибатларга олиб келадиган саволларни қўярди — Ўзбекистон номини ўзгартириш. У ерда кўплаб номлар жаранглади: Туркистон ва бошқа вариантлар», — дейди депутат.
Унинг сўзларига кўра, «мустақилликни эълон қилиш борасидаги истак устун бўлган».
Шунингдек, Сенат раиси ўринбосари «Ислом Каримовнинг вафотидан сўнг ким президент бўлишини билармидингиз?» деган саволга унинг учун ягона номзод Шавкат Мирзиёев бўлганини таъкидлаган.
Аввалроқ Содиқ Сафоев Марказий Осиё Иттифоқини тузиш ҳақида гапиришга ҳали эрталиги ҳақида гапирган, шунингдек, ЖСТ ва ЕОИИ борасида фикр билдириб, «халқаро ҳамжамиятга ҳар қандай қўшилиш суверенитетни чеклашдир» деган.
Изоҳ (0)