Ўзбекистонда 2021—2022 йилларда электроскутерлар ишлаб чиқарувчи тўртта корхона фаолиятини йўлга қўйиш режалаштирилган. Бу ҳақда Президентнинг «Электротехника саноатини янада ривожлантириш ва маҳаллий маҳсулотларнинг рақобатбардошлигини оширишга доир қўшимча чора-тадбирлар тўғрисида»ги қарорида сўз боради.
Лойиҳаларнинг барчаси хусусий ва улар ташаббускорлар маблағлари эвазига ишга туширилади. Уларнинг учтаси «Қўқон» эркин иқтисодий зонаси ҳудудида жойлашади:
- Bicycle Tranding Invest йилига 4,5 мингта электроскутер ишлаб чиқариш учун 1,5 миллион доллар сармоя киритган. Ишлаб чиқариш 2021 йилнинг ноябрига режалаштирилган;
- Story Plast йилига 1500 электроскутер, 1500 электромотороллер ва 500 та велосипед ишлаб чиқариш учун 505 минг доллар сармоя тикка. Ишлаб чиқариш 2022 йилнинг мартига режалаштирилган;
- «Веломаск» йилига 20 минг электроскутер ишлаб чиқариш учун 4 миллион доллар маблағ тиккан. Ишлаб чиқариш 2022 йилнинг декабрига режалаштирилган.
Аввалроқ Ўзбекистондаги электротехника ва электромаиший маҳсулотларни ишлаб чиқарувчилар янги имтиёзларга эга бўлгани тўғрисида хабар берилганди.
Изоҳ (0)