«Ўзгидромет»нинг маълум қилишича, 5 март куни Ўзбекистон бўйлаб очиқ, лекин нисбатан совуқ кун бўлади. Ҳаво ҳарорати 10-15 даражадан юқорига кўтарилмайди ва меъёрий қийматларга тенг бўлади.
6 март куни жануби-ғарбий ҳудудлардан булутли оқимлар чиқа бошлайди ва Бухоро, Навоий, Қашқадарё, Сурхондарё, Самарқанд вилоятларининг баъзи жойларида ёмғир ёғиши, момоқалдироқ кузатилиши мумкин, Тошкент, Жиззах, Сирдарё вилоятларида кечга яқин бироз ёмғир ёғиш эҳтимоли бор. Қолган ҳудудларда ёғингарчилик кутилмайди. Ҳаво ҳарорати кечаси 0-5 даража илиқни, кундузи 12-17 даража илиқни ташкил этади.
7 март куни кечаси ва эрталабки соатларда баъзи жойларда бироз ёмғир ёғиш эҳтимоли бор. Қорақалпоғистонда, Хоразм, Бухоро, Навоий вилоятларида ёғингарчилик кутилмайди. Поволжя ҳудудларидан совуқ ҳаво массалари кириб келиши оқибатида, ҳаво ҳарорати пасайиб, кечаси 0-5 даража илиқни, кундузи 8-13 даража илиқни ташкил этади.
8 март—Халқаро хотин-қизлар кунида Республика бўйича кам булутли, ёғингарчиликсиз ҳаво кузатилади, кундузги соатларда ҳаво ҳарорати 14-17 даража илиқни ташкил этиб, бироз меъёрдан юқори бўлади.
Республиканинг тоғли ҳудудларида шу давр ичида қор кўчиш эҳтимоли сақланиб қолади.
Изоҳ (0)