Deputatlar 1991-yilda O‘zbekistonning nomini o‘zgartirishni taklif qilgan. Variantlar orasida “Turkiston” ham bo‘lgan

Oliy Majlis Senati raisining birinchi o‘rinbosari Sodiq Safoyev Alter Ego loyihasiga bergan intervyusida O‘zbekistonning Birinchi Prezidenti Islom Karimov, 2016-yilda uning o‘limidan so‘ng sodir bo‘lgan voqealar va mamlakatning muqobil nomlari haqida fikr bildirdi, deb yozadi “Gazeta.uz”.

Sodiq Safoyev Islom Karimovning davlat mustaqilligini e’lon qilgan bayonoti deputatlar uchun kutilmaganda sodir bo‘lganini rad etdi. Mamlakat mustaqilligi 1991-yilning 31-avgustida Toshkentda O‘zbekiston SSR Oliy Kengashining navbatdan tashqari 7-sessiyasida e’lon qilingan (Sodiq Safoyev u vaqtda prezident apparatida xalqaro departament boshlig‘i sifatida ishlagan).

“Prezident Karimov mustaqillikni e’lon qilganida, deputatlar kutilmagan holatdan hayratga tushishganini aytishadi. Hech qanday dovdirash bo‘lmagan. O‘sha voqeaning guvohiman — o‘sha zalda o‘tirgan edim. Bu yig‘ilishni bir necha hafta tayyorlaganmiz. Kecha-yu kunduz o‘tirib, qarorlar yozardik, uni qayta ishlardik. Xususan, oldimizga deputatlar guruhi ham kirib ishlagan. Bundan tashqari, ular radikal kayfiyatda edi, ancha uzoq oqibatlarga olib keladigan savollarni qo‘yardi — O‘zbekiston nomini o‘zgartirish. U yerda ko‘plab nomlar jarangladi: Turkiston va boshqa variantlar”, — deydi deputat.

Uning so‘zlariga ko‘ra, “mustaqillikni e’lon qilish borasidagi istak ustun bo‘lgan”.

Shuningdek, Senat raisi o‘rinbosari “Islom Karimovning vafotidan so‘ng kim prezident bo‘lishini bilarmidingiz?” degan savolga uning uchun yagona nomzod Shavkat Mirziyoyev bo‘lganini ta’kidlagan.

Avvalroq Sodiq Safoyev Markaziy Osiyo Ittifoqini tuzish haqida gapirishga hali ertaligi haqida gapirgan, shuningdek, JST va YeOII borasida fikr bildirib, “xalqaro hamjamiyatga har qanday qo‘shilish suverenitetni cheklashdir” degan.