Жинси шимлар вақт ва тенденцияларга боғлиқ бўлмаган, ҳеч қачон урфдан қолмайдиган кийим ҳисобланади. Аммо ҳар мавсумда янги бичимлар, шимнинг кенглиги ва, энг муҳими, узунлиги ўзгаради. Бу йилги баҳор мавсумида қандай узунликдаги жинси шимлар урфда бўлиши ҳақида гаплашамиз.
Аслида, универсал узунлик – тўпиқдан сал баландда бўлиб, бу деярли ҳар қандай моделга мос келади. Бундай узунлик жинси шимларни кроссовка, шунингдек, расмий пойабзал билан ҳам кийишга имкон беради. Бундан ташқари, бундай узунликни хоҳишингизга қараб бир ёки икки марта қайириш билан осонгина қисқартириш мумкин.
Тўпиқдан баландроқ узунликдаги шим билан эса босоножка, балетка ҳамда ёзги оёқ кийимларни кийиш мумкин.
Агар сизга 90 йиллар услубидаги текис жинси шим ёқса ва кроссовка билан кийишни режалаштирсангиз, пойабзалингизнинг юқори қисмини бироз қоплайдиган узунликдагисини танланг. Жуда узун жинси хунук бурмалар ҳосил қилади, калталари эса керакли образни яратолмайди.
Ботилёнлар билан кийиш учун пойабзалнинг юқорисидан 5-7 сантиметр баландликда тугайдиган, лекин унчалик кенг бўлмаган қисқа жинси шимни танланг. Шимнинг пастки қисми ботилённинг юқори қисмига мутаносиб бўлгани маъқул.
Агар белдан ёки тиззадан бошлаб кенгайган жинсини афзал кўрсангиз, бундай бичимдаги шимда пойабзални бутунлай яширган яхши.
Ушбу мавсумда тиззадан бироз пастга тушиб турадиган шимлар урфга кириши мумкин. Текис ёки бироз клёшли, классик ранглар бўлган тўқ кўк ва мовий рангдаги жинси шимларни тавсия қиламиз.
Мавзуга доир:
- Кюлотларни қандай кофталар билан кийиш керак: Кейт Миддлтондан 5 та замонавий образ (фото)
- Аллақачон модадан қолган 8 та свитер модели (фото)
- Плиссировка: мавсумнинг энг замонавий юбкасини қандай кофталар билан кийиш тавсия этилади? (фото)
- Баҳорги образ: Кроссовкани қандай кийимлар билан мослаш тавсия қилинади?
- Баҳор мавсумида замонавий блузка танлашда қўл келадиган 6 тавсия
Изоҳ (0)