Эстониялик рэпер Томми Кэш Adidas Originals билан ҳамкорликда коллекция тайёрламоқда. Бошланишига хонанда Superstar’нинг айрим моделларига ўзгартириш киритишни афзал билган, деб ёзади Esquire.
Коллаборация анонсида Кэш ҳар бирининг узунлиги деярли 1 метр бўлган кроссовкаларда намоён бўлган. Бир пойи оқ, иккинчиси қора бўлган узайтирилган «суперюлдузлар»да боғич ўтказиш учун қирқта тешик бор. Кроссовканинг орқа томонига рэпернинг дастхати туширилган.
Ушбу моделни Adidas дастуридаги ютуқли ўйинда иштирок этиш орқали ютиб олиш мумкинлигини маълум қилган Томми, шунингдек, уч нафар ғолиб 3 март куни аниқланиши, шундан кейин кроссовкалар сотувга чиқарилишини қўшимча қилган. Аслида эса ушбу кроссовка моделлари реклама учун ишлаб чиқарилган. Сотувга тақдим қилинадиган моделлар бунчалик узун бўлмайди, аммо рекламадагидек бир пойи оқ, иккинчиси эса қора рангда бўлади.
«Менда бир вақтнинг ўзида ҳамиша бир-бири билан курашадиган фаришта ва иблис яшайди. Шундай экан, шахсиятимдаги бир томонни яширишга не ҳожат?», — деб танловига изоҳ берган Кэш.
Изоҳ (0)