Кроссовка мода ихлосмандларининг энг севимли пойабзалларидан бири ҳисоблангани билан кўпчилик уни жинси ва оддий либослар билан кийишнинг ўзи билан чекланади. Аслида эса ушбу оёқ кийимни исталган кийим билан мослаб, ўзига хос кўринишга эга бўлиш мумкин.
Сўнгги вақтлар тренддан тушмай қолган кенг ва романтик услубдаги юбкани фақатгина пошнали туфли билан мослаш керак деб, ким айтди? Оқ кроссовка билан бундай образ янада эсда қоларли ва қизиқарли кўринишга эга бўлади. Унга оддий ёки принтли футболка қўшишингиз, ноодатий кўриниш учун эса олд қисмини боғлашингиз мумкин.
Оқ тюл матосидан тикилган либос билан қора кроссовка кўпчилик учун одатий бўлмаган комбинация ҳисобланади. Либоснинг ўзи спорт услубидаги мазкур пойабзал билан ғалати кўриниб қолмаслиги учун устингизга узун, қора пальто кийиш тавсия қилинади.
Шунингдек, оқ кроссовкани баҳор фаслининг асосий трендларидан ҳисобланган костюм-шорти билан кийиш ҳам ўзига хос услубда бўлишга сабаб бўлади. Бунинг учун кенг шорти ва oversize бичимли жакет танланг. Мазкур умумлашма 80 йилларга хос экани сабаб кроссовкани ихчам бўлмаганини танлаганингиз яхши.
Жинси билан киядиган бўлсангиз, образни спорт услубидаги узун, оқ пайпоқ билан якунланг. Уни шим устидан чиқарсангиз, янада замонавий кўринасиз. Устингиздан чармдан тикилган кенг куртка кийинг.
Мавзуга доир:
- Замонавий образ ёрдамида бошқалардан ажралиб туришни хоҳлайдиганлар учун тавсиялар
- Кўп пул сарфлаш шарт эмас: образ ҳашаматли кўриниши учун ёрдам берадиган 10 та замш кийим (фото)
- Баҳор мавсумида урфга кирадиган нафис кўйлаклар (фото)
- Одми кофталар билан кийиладиган байрамона юбкалар баҳорда урфга киради (фото)
Изоҳ (0)