Самарқандда 21 ёшли йигит ижарада яшаб келган хонадон эгасининг машинасини миниб қочиб, аварияга учради. Бу ҳақда ИИВ ЙҲХББ ахборот хизмати хабар берди.
Ҳолат юзасидан зудлик билан ИИБ Йўл ҳаракати хавфсизлиги ходимлари томонидан «Тўсиб ушлаш» тадбири орқали олиб қочилган автомобилни аниқлаш чоралари кўрилган. 21 ёшли ҳайдовчи «Сирдарё» ЙПХ масканига етганида, постда текширувлар олиб борилаётганини кўриб, қўрққанидан бошқарувни йўқотган ва автомобилни пост яқинидаги бетонга бориб урган.
Автомобилни олиб қочган шахсга нисбатан Жомбой тумани ИИБ ҳузуридаги тергов бўлими томонидан Жиноят кодексининг 267-модда (транспорт воситасини олиб қочиш) 1-қисми билан жиноят иши қўзғатилган бўлиб, ҳозирда тергов ҳаракатлари олиб борилмоқда.
Аввалроқ Навоийда ўғрилик учун 5 йил қамалиб чиққан шахс 2 ой ўтмай ИИБ ходими Lacetti’сини олиб қочишга урингани тўғрисида хабар берилганди.
Изоҳ (0)