Samarqandda ijarachi yigit o‘zi yashab kelgan xonadon egasining mashinasini olib qochib, YTHga uchradi (video)

Samarqandda 21 yoshli yigit ijarada yashab kelgan xonadon egasining mashinasini minib qochib, avariyaga uchradi. Bu haqda IIV YHXBB axborot xizmati xabar berdi.

Holat yuzasidan zudlik bilan IIB Yo‘l harakati xavfsizligi xodimlari tomonidan “To‘sib ushlash” tadbiri orqali olib qochilgan avtomobilni aniqlash choralari ko‘rilgan. 21 yoshli haydovchi “Sirdaryo” YPX maskaniga yetganida, postda tekshiruvlar olib borilayotganini ko‘rib, qo‘rqqanidan boshqaruvni yo‘qotgan va avtomobilni post yaqinidagi betonga borib urgan.

Avtomobilni olib qochgan shaxsga nisbatan Jomboy tumani IIB huzuridagi tergov bo‘limi tomonidan Jinoyat kodeksining 267-modda (transport vositasini olib qochish) 1-qismi bilan jinoyat ishi qo‘zg‘atilgan bo‘lib, hozirda tergov harakatlari olib borilmoqda.

Avvalroq Navoiyda o‘g‘rilik uchun 5 yil qamalib chiqqan shaxs 2 oy o‘tmay IIB xodimi Lacetti’sini olib qochishga uringani to‘g‘risida xabar berilgandi.