Ижтимоий тармоқларда Сурхондарё вилояти Саросиё туманида 3 нафар зўравон бир неча кишини пичоқлаб ва яна бир қанчасини дўппослагани, лекин зўравонларга нисбатан ҳеч қандай чора кўрилмагани айтилган хабар ва ушбу воқеа акс этган видео тарқалди.
Сурхондарё вилояти ИИБ матбуот хизматининг маълум қилишича, мазкур ҳолат юзасидан Сариосиё тумани ИИБ масъул ходимлари томонидан терговга қадар текширув ҳаракатлари олиб борилди.
Дастлабки тўпланган ҳужжатларга кўра, 10 февраль куни соат тахминан 14:30 Сариосиё тумани «Гулобод» маҳалласида яшовчи фуқаро О.Т. ва унинг ўртоғи М.Р. Сариосиё тумани «Нуробод» маҳалласида яшовчи поччаси Р.М.нинг яшаш уйи ёнига гаплашиб олиш учун келиб, ўрталарида олдиндан бўлган низо сабабли жанжаллашиб қолган. О.Т. ўзи билан олиб келган пичоқ билан поччаси фуқаро Р.М. ва қариндошлари Ф.М. ҳамда М.Ҳ.ларга кесилган жароҳат етказган.
Республика суд-тиббий экспертиза илмий-амалий маркази Сурхондарё филиали Узун пунктининг 15 февралдаги хулосаларига кўра, фуқаро Ф.М.га соғлиғининг бузилишига сабабчи бўлган енгил тан жароҳати, Р.М.га ўртача оғир шикастлар тан жароҳати, О.Т., М.Р. ва М.Ҳ.га эса енгил тан жароҳатлари етказилгани кўрсатилган.
Ҳолат юзасидан 16 февраль куни фуқаро О.Т.га нисбатан Жиноят кодексининг 105-моддаси (қасддан баданга ўртача оғир шикаст етказиш) 2-қисми «м» банди ва 109-моддаси (қасддан баданга енгил шикаст етказиш) 2-қисми билан Сариосиё тумани ИИБ ҳузуридаги Тергов бўлинмаси томонидан жиноят иши қўзғатилиб, дастлабки тергов ҳаракатлари олиб борилмоқда.
Мавзуга доир:
- Хоразмда ака синглисини ярим тунда манзилга олиб келиб қўйган Damas ҳайдовчиси билан жанжаллашиб, уни ўлдириб қўйди
- Қашқадарёда севган қизининг уйига борган йигит қизнинг укаси томонидан пичоқланиши оқибатида вафот этди
- Андижонда қўшни аёлни қарз бермагани ва устидан кулгани учун ўлдирган шахс 17,5 йилга қамалди
Изоҳ (0)